歌手吳若希Jinny早前與家人到農莊玩樂為女兒慶生，之後農莊在網上分享了吳若希當日到訪農莊的照片。當事人吳若希就留言指相片未經授權，要求農莊移除照片，結果惹來不少人負評。日前吳若希再與網民掀起罵戰，事關有網民留言以「咖喱」稱呼她。
有網民在吳若希FB留言表示曾經見過她本人：「咖喱！好耐之前聲雅廊，你坐過我，以前你啲枚好屎啦，不過飲酒就唔賴皮都算幾好玩，幾時有機會再同你劈過」，吳若希就反擊「唔識你？你邊位？」。之後該名網民表示「你見到我就知道！之前成日落去搵你玩」。
吳若希就要求對方當面對質：「我聽日返TVB，大概中午12點收，聽日見，PM我你電話」，不過對方表示不想參觀電視城。有網民問吳若希是否曾在聲雅廊工作，她表示沒有：「無喎～講咗咁多年都仲講？！」。
另外，日前吳若希出席宣傳活動談及農莊事件，她表示「我只係好簡單提醒，唔明點解會發酵到咁大」。被問到是否不甘心被拿來做宣傳，她就表示「唔係唔甘心，嗰日係私人時間，所以咁樣唔係好舒服，始終商業社會，我有經理人，所以需要去處理」，又指事件已告一段落：「佢哋刪咗相就唔再講」。
對於網民負評如潮，她就覺得無所謂：「唔緊要，我都冇嘢可以講，如要唔鍾意你就唔鍾意你，冇乜所謂，已經處理咗」。同時，她因為網民的負評及罵戰而產生奇思妙想，打算將這些事情轉化為一個吸金工具：「我發現好多人好鍾意睇我同網民爭論或者同老公鬧交，我諗緊放上收費平台，大家想睇我鬧交就課金啦」。
圖：FB@吳若希
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】尚品即食燕窩銀耳露！↓
↓ 滋陰養顏助消化！/ 獨家優惠：HK$30網購電子現金券！↓
↓【6月限定雙重賞🎉】！↓
↓ 分享打卡靚相即免費送📸↓
