由陳展鵬、林夏薇、黃智賢主演的無綫劇集《逆天奇案》贏得收視與口碑，劇中除了有錢小豪、鮑起靜、麥玲玲、洪卓立等星級客串之餘，一眾配角亦有不少發揮機會，其中飾演陳展鵬下屬「妹頭」的趙璧渝（Osanna）也因此劇帶挈她的工作量急增，現正忙於拍攝新劇《痞子殿下》之餘，希望有機會拍廣告搵真銀。
《逆天奇案》中，飾演陳展鵬下屬「妹頭」的趙璧渝，近期劇情發主要圍繞着失戀的她參加了人生改造課程，從而帶出新單元「神秘組織洗腦案」。其實現年32歲的趙璧渝，入行8年，多演出跑龍套角色，至去年的《法證先鋒IV》一幕只戴黑色胸圍危站天台邊緣的鏡頭，開始嶄露頭角，而今次《逆天奇案》中是她入行以來最多戲份的一次，她說：「從影以來最重戲份的一次，第一次有咁多屬於自己嘅鏡頭同對白，拍攝期間心理壓力好大，成日都瞓唔着，好緊張，因為想演得好啲，好好把握今次機會。」
為了拍攝要跟悍匪槍戰的鏡頭，趙璧渝不眠不休通宵排練開槍動作及表情，而近日的「洗腦」戲，更令趙璧渝有不少發揮機會，令人眼前一亮，她說：「劇集播出後，公司好多同事都為我打氣，有次喺化妝間撞見『大小姐』林淑敏，我哋之前因合作處境劇《愛‧回家之開心速遞》而認識，佢話有睇套劇，仲對我講咗好多鼓勵說話，真係好感激佢，除咗公司同事之外，有啲圈外朋友，睇咗套人劇之後都有Send訊息嚟打氣。」角色贏得口碑，同時亦令趙璧渝有搵真銀的機會，她說：「出劇係會增加咗搵錢機會，最近都有啲宣傳片、廣告傾吓，睇吓有冇合作機會。」
此外，單親家庭長大的趙璧渝，為圓演戲的夢想，8年前毅然參加無綫藝員訓練班，出道以來收入不多，每月只有4位數，今次難得「重」戲份，一手撫養她成人的媽媽，當然喜在心頭，趙璧渝說：「媽咪好忙，平時好少追劇，不過佢今次為咗我都煲劇，其實一直以來媽媽都好支持我，畀我好任性咁追夢，自己好愧疚咁多年都畀唔到家用媽媽，仲要媽咪擔心我夠唔夠錢用。」
圖：IG@趙璧渝
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
