梁芷珮開直播引Haters連串罵戰 寫千字文感慨TVB藝人被追擊:希望各位高抬貴手

2021.05.27

快將39歲的靚媽梁芷珮(Christy)日前為廣告商開產品直播時,被網民洗版式留言攻擊,雖然見到Christy開直播時仍笑笑口完成介紹工作,但事後她就有感而發,在IG寫下千字文希望網民可以高抬貴手。

梁芷珮在IG發千字文,她開首感謝網民對她的愛戴:「今晚開完live後有感而發,首先我好想喺到多謝喜歡我,follow我嘅粉絲,一個普通嘅師奶仔可以儲到十幾萬粉絲,我已經好滿足,好開心,能夠有今日嘅成績,我真係好感恩。」對於現時的事業成就,她已感到滿意,因為她工作的出發點是為了家庭:「我係一個好勤力嘅人,因為我嘅人生唔係為我自己一個人而活,而係為咗屋企三個小朋友。」

Christy也細數自己的出身:「我唔係來自一個有錢嘅家庭,20歳嫁咗人,老公當年亦都係一個普通嘅20歲o靚仔,當年啱啱加拿大返嚟,我哋冇靠屋企人,未搵到工又冇地方住,劏房都住過,冇錢請工人姐姐,大仔咪周圍搵人幫手湊,我哋乜嘢工都做過,我做過娛樂記者,空姐,上樓時裝店嘅sales,reception…」又提及老公如何一起努力撐起頭家:「我老公bartender都做過,之後教golf先開始有穩定啲嘅收入、為咗小朋友可以輕鬆環境讀書,我地用咗一大半嘅糧供佢讀國際學校,生咗二仔後,我哋嘅收入根本唔夠供兩個小朋友讀國際,所以先讀homeschool。」

提到努力工作,自己也有得失,亦不愧對自己的工作:「好感恩呢幾年可以幫公司拍旅遊節目,多人認識咗,多咗好多KOL嘅工作,收入穩定咗,就可以比到更穩定嘅生活三位小朋友,我哋每日都好努力咁工作,忙到冇時間陪小朋友,好似呢幾個禮拜,每日7點帶完小朋友返學,就開始準備拍節目,拍劇,仲有KOL嘅job,同埋夜晚教運動班,每一個工作都係有血有汗換返嚟嘅。」

Christy希望網民可以高抬貴手,不要因她出身TVB而否定她的付出:「我勤力做嘢,唔係淨係得個講字,所以希望各位高抬貴手,唔好因為我來自邊到,喺邊間公司做嘢而抹煞我嘅工作機會,我只係一個努力工作,賺錢養大仔女嘅媽媽,世界上每一個父母都係咁,你哋如果唔鍾意一樣嘢,其實真係可以唔睇或者直接block咗我,然後follow返你地喜歡嘅嘢,我個人好簡單,有嘢就做,有工就開,大家開心,簡簡單單就得㗎喇…」

圖:IG@梁芷珮

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

【港生活7周年】10月激賞祭

↓↓第三擊送Breville智能意式咖啡機↓↓

第三擊送Breville智能意式咖啡機

評語

獨家優惠

  • 【新會員限定】珮夫人鼻爽貼(7片裝)

  • 二人同行減HK$50,送每人5包掛耳包咖啡

    ArtCoffee 咖啡體驗班(2堂)

  • 三人同行減HK$150

    Indie Tree 保鮮花香薰機工作坊

  • 更多優惠

輕掃查看其他優惠