TVB現正熱播的劇集《逆天奇案》，由陳展鵬與林夏薇主演，兩人再度合作飾演情侶，默契仍然十足。眼看着陳展鵬轉眼已變成了慈父，人妻林夏薇身為拍檔，自有另一番感受，充滿感動。
與陳展鵬合作無間，看着對方做了爸爸之後充滿溫情，林夏薇大爆對方拍劇的蝦碌事：「有次我同佢對戲嘅時候，佢無啦啦嗌我做『瑤瑤、瑤瑤』，我嗰時心諗，邊個瑤瑤呀？於是忍唔住問佢，點知原來係佢個女小豬比，佢真係拍劇都咁掛住自己個女！見到都戥對方開心。」看見對方做了爸爸後，如此幸福，林夏薇有冇諗住生番個小朋友？她笑言自己雖然是典型的巨蟹座，但仍然有事業心，對於正式組織一個家庭，他還是採取順其自然的態度，直言：「有啲嘢都真係急唔黎嘅。」
聽到林夏薇這個名字，有不少網民都認為她是個幸福少奶奶，其實不必頻撲要日夜顛倒拍劇，享受生活就可以了，但是林夏薇並不這樣想：「我想做嘅嘢依然有好多，女人唔一定要安享生活，都可以有自己一番事業，早幾年大家以為我要上位嘅時候，我偏偏選擇咗要休息一下，陪一陪屋企人，當我休息呢段時間，都諗咗好多嘢，發現自己仍然都係好鍾意拍劇，亦都希望將來有機會可以得到一個屬於自己嘅獎項，所以我唔會咁快停落嚟。」
拍處時間如此日夜顛倒，林夏薇又會否擔心自己與老公相處時間減少呢？她笑言已經找到一個合適的相處方法，就是最近一起合資搞模型生意。林夏薇受老公的影響，培養了觀賞模型藝術品的興趣，從而透過與老公商量之下，決定了一起搞這門生意。「其實一齊搞呢單生意之後，大家見面嘅時候多咗，我哋好少鬧交，就算有少少拗撬，我哋好快會反省返，從而經過呢個方法更加了解對方，相信呢一個已經變成左我哋嘅相處之道，同埋爭取見面時間嘅主要機會。」她笑言自己與《逆天奇案》的阿Wing般好就得人，不同的是林夏薇會將心裏感受說出口，這可能也是他與老公相處的其中一個秘訣，互相促進感情。同時林夏薇希望做生意之際，又能與拍劇取得平衡，所以她近期還接了邵氏劇集《廉政狙擊》，抽時間過足戲癮之餘，又能與好朋友胡定欣、吳卓羲等人敘舊，滿足自己的慾望。
林夏薇雖然未有時間造人，但她不完全是想做女強人，主要希望可以完成自己想做的事，還透露未來還會創立個人品牌，大家請拭目以待。
特別鳴謝：
髮型:Ivan Lee @Headquarters
化妝 :江中平
場地：Mini Central
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
