【Mean Talk】江美儀罕談離婚當場痛哭:我人生係咪應該落去 豹哥單立文擔心好友眼泛淚光

2021.06.21

江美儀與林盛斌為TVB的節目《Mean Talk》做主持,訪問嘉賓單立文及滕麗名,誰知被豹哥反客為主,問及之前與吳君如胞弟吳君祥離婚之時,江美儀一股滋味在心頭,當場在眾人面前爆喊,更自言與對方走到離婚這一步並非一日之事。

節目訪問到中途,單立文與滕麗名捉住江美儀的手,望能幫對方抒解鬱結,他說:「我哋真係好關心你,但又唔敢去騷擾你,驚會觸動你好多情緒,但又驚你頂唔順,我覺得你自己承受好多嘢,唔會同我哋講。我覺得你點解咁傻,孭起咁多嘢呢?同我哋講吖嘛!又唔係唔熟!你知唔知啫?」豹哥講到眼濕濕。

江美儀聽完隨即爆喊,可謂百般滋味在心頭。她說:「我冇嘢㗎喇而家,我都唔知可以同邊個講吖嘛。有時兩個人相處,去到要離婚,未必係一件事發生咗,可能係一路積累,積累到覺得,我嘅人生係咪應該繼續落去。兩個人傾完之後覺得,可能分開仲好啲,所以最後就分開。其實你哋知時,已經好後,呢件事其實發生咗好耐。」

她又坦白疫情初發生的時間,是她情緒最崩潰的時候,因為她多了時間胡思亂想,幸好還有節目可以做寄託。江美儀又指被經理人指出她不懂釋放情緒:「樣樣嘢自己去吞晒,唔好見我咁堅強,我都有人蝦,我情願自己就算,其實表面好似好開心,但我唔係真係咁開心。」豹哥更直言:「你估我睇唔到咩!」所以希望好友可以將心中鬱結說出,大家互相扶持。網民見到大讚豹哥是個心思細膩的男人。

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

【港生活7周年】10月激賞祭

↓↓第三擊送Breville智能意式咖啡機↓↓

第三擊送Breville智能意式咖啡機

評語

獨家優惠

輕掃查看其他優惠