蔡思貝、何雁詩及賴慰玲出名係好姊妹，早前三人接受林盛斌（Bob）和江美儀主持的《Mean Talk》訪問，回應外間種種傳聞。而蔡思貝自入行以來負面新聞多多，重提這些傳聞時，Sisley更忍不住當場爆喊。
蔡思貝出道初期已經負面新聞多多，曾經疑被踢爆上報假學歷參選。除此之外，緋聞亦源源不絕，唯一公開承認曾與麥秋成相戀之外，Sisley曾與胡鴻鈞、余德丞甚至人夫王浩信等傳出緋聞，令她有「姣精」、「人肉發電機」之名。Sisley對此承認有為此感到不開心：「始終都唔係讚，但我覺得有原因嘅，頭幾年我真係唔太識避忌。」
其後Sisley憑《踩過界II》獲得視后一獎，不過同樣有負面新聞傳出，有指她得獎全因獎座贊助是太陽金業集團金飾闆之一的Sam，而Sisley正與對方傳緋聞，有指她獲Sam的名車接送，又忽然富貴周身名牌炫富。當江美儀追問蔡思貝擲千萬元買車、買樓等的傳聞時，身旁的好姊妹賴慰玲、何雁詩為對方澄清，指蔡思貝靠慳才有今日，阿Bob亦幫口說：「有次見到佢，嘩！你話晒蔡思貝吖，你不如換過架車，佢嗰架車係cheap到拎去劏都未必值三、四千。」
蔡思貝聽到之後也感到委屈當場落淚：「有啲人辛酸會公諸於世，我唔係咁，我懶係有骨氣……一路以來無論傳媒講乜嘢，我一次都無澄清過，一路專注工作，無人知道所謂『女一』係住二百呎、瞓碌架床。」
圖：ig@蔡思貝
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
