【東京奧運】港隊劍擊四子IG直播互爆張家朗擇偶秘密 吳諾弘堅稱自己高:175cm唔係矮!

2021.08.05

香港劍擊運動員在今屆奧運奪得好成績,除了張家朗取得男子花劍個人賽金牌外,團體賽也得到第7名,實在可喜可賀。他們也因比賽人氣急升,IG粉絲激增。日前劍擊4子張家朗、吳諾弘、張小倫和崔浩賢在IG開直播,吸引了2萬人收看,4位大男孩互爆秘密。

完成奧運賽事之後,吳諾弘先行返港隔離休息,其餘三人要飛往內地準備全運會,由於四人都要在酒店隔離,於是就在IG開live答謝香港人;不過蔡俊彥未有參與,他們找來同樣是隊友的崔浩賢,最高峰引來了2萬人同時收看。

吳諾弘最先開IG live,其後邀請大師兄張小倫,兩人催張家朗加入,直言如果張家朗每遲一分鐘就爆一個秘密,於是吳諾弘爆張家朗原來十分怕蟲。張家朗加入直播後,他非常怕醜、甚少發言。吳諾弘為撩張家朗講多啲嘢,就話:「最多人建議張家朗同蔡俊彥唱歌!」張家朗當然即時拒絕,不過又被吳諾弘踢爆:「你沖涼嗰陣唱得好開心!好大聲、好High喎!」張小倫稱呼家朗為「Jer Jer」,又指對方現時單身想找女朋友,有網民問到他的「理想型」,張家朗又很怕醜不肯透露,吳諾弘又爆多一獲︰「佢鍾意友善、乖巧、孝順,要尊重佢屋企人。」張小倫補充︰「做家朗嘅女朋友,唔可以成日煩住佢!」

吳諾弘透露最多人問及他的高度,他笑言自己有190cm!張家朗就話:「水分好高!」吳諾弘之後先承認是175cm,又謂:「真係唔公平囉!同你哋影相成日叫我企中間,搞到好似凹咗落去咁,其實175cm都唔矮呀!」單眼皮的張家朗被問到是否很累,他笑言:「好多人問我係咪好攰,我個樣不嬲都係咁……唔係想瞓覺。」更即場表演瞪大雙眼,十分搞笑。

圖:IG@吳諾弘

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

評語

獨家優惠

  • 【新會員限定】珮夫人鼻爽貼(7片裝)

  • 二人同行享95折優惠

    The Handcrafter 純銀黏土製作體驗班

  • 二人同行減HK$50,送每人5包掛耳包咖啡

    ArtCoffee 咖啡體驗班(2堂)

  • 更多優惠

輕掃查看其他優惠