MIRROR下戰書挑機打羽毛球 謝影雪揚言用右手讓賽 鄧俊文自爆最愛Anson Kong
2020東京奧運已圓滿結束，各大電視台都有直播節目，而ViuTV就請來香港羽毛球混雙組合鄧俊文及謝影雪撐場，同場還有MIRROR及ERROR，場面非常墟冚，而兩人與16子的互動，也成為了節目的亮點。
鄧俊文及謝影雪之所以與MIRROR及ERROR同框，源於兩人備戰奧運賽事期間，一邊播住Mirror的歌曲《IGNITED》一邊做運動，促使今次的合作做節目的機會。
謝影雪事後說：「而家被人寫我係鏡粉，其實我係幾欣賞佢哋，只不過真係未到粉絲呢個程度。我只係鍾意聽阿Jer（柳應廷）啲歌，佢真係好勁，啲歌好聽。」被問到MIRROR 12人入面會選擇邊一個，她搞笑地回應：「小朋友先做選擇。」鄧俊文更自爆最愛Anson Kong，大讚對方有型，視他為心目中的男神，講完即刻與對方high five，睇見都覺得開心！
最後Lokman代表Mirror向謝影雪、鄧俊文下戰書，邀請兩人出席將要舉辦的活動《力圖打排球》，屆時在羽毛球項目中一決高下。謝影雪接過戰書，笑言：「右手打讓賽都得！」令人十分期待。
圖：IG@鄧俊文及謝影雪
港生活人氣本地熱話
【社群請您去✨】BYO自助整Cake烘焙體驗！
↓請您去👻香港首個萬聖節音樂嘉年華《SPOOKY Halloween🎃》↓
↓攤位遊戲／特色市集／國際巨星與本地歌手聯衝擊詭魅舞台↓
假日好去處