前無綫新聞主播陳嘉倩早前在東京奧運期間，為ViuTV主持奧運直播節目《奧運有得揀》。不過就引起一段風波，陳嘉倩被網民批評未夠專業，有做花瓶之嫌。而閉幕禮當日，因為同保錡＠ERROR同框之下，意外地被杜汶澤直斥為「作狀女人」。
KOL司徒夾帶將低保錡為搶鏡靠近嘉倩的一幕放到Facebook分享，搞笑地留言：「彈開啦你！夠膽搶我陳小姐鏡，仲黐到咁埋，想死。」杜汶澤先cut走相中的陳嘉倩，只剩下保錡，並留言：「咁樣順眼好多」直斥對方：「陳嘉倩真係香港電視史上最作狀嘅女人。」
事件發生之後，陳嘉倩趁自己入行10年發長文，似是反擊被指作狀的言論：「我從小都有個夢想，就是做個大家喜歡的主持人。這個夢想從前來得較簡單直接，畢業後電台有offer做節目主持，到之後大家較熟悉的新聞主播，從一張白紙開始練習讀稿，咬字，留意時事，幾年間不間斷。後來因為喜歡嘗試新事物的性格，跳出來後有涉獵其他類型節目主持，那種節目形式和氣氛跟以前完全唔同，現在仍然在努力學習中，我相信離成功還有一段大距離，由衷感謝身邊一直支持和給予機會的人。」
面對近年來的批評，陳嘉倩直言自己練成了強大的心臟:「自問係一個怕是非、怕煩的人，入行前面對批評八卦，自己不會說亦不想聽，我通常不會正面辯駁，可能會逃避，等gossip完雨過天青。但現在畢竟我要對觀眾負責，看到自己的新聞時，一些正面的留言我當然歡迎，但批評我的說話我更珍視。有建設性的意見我通常會反省，但路過無上文下理就一兩句負評我通常都會拉入黑名單，怕情緒被牽動，畢竟建立很困難，摧毀努力可以是一秒之間。有位前輩都同我講過，你做一件事，一百個人有一百個唔同嘅解讀，無可能討好所有人，做事最緊要過得到人過得到自己。人生已經很累，少為一些別人對你無緣故的恨費心。我想我還會繼續學習，好深刻奧運期間有位運動員講過，人生就算你用力完成一件事，結果可能都會未如理想，但起碼博盡無悔。不放棄我想也是贏的一種吧，致一直還在堅持的人。」言談間似乎也懶理杜汶澤出言的批評。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
