韓子亮爆昔日好友保錡@ERROR係宇宙渣男 聲稱POKI涉迷姦準備爆料:等你變香港版吳亦凡小豬

2021.08.13

歌手韓子亮早前推出新歌宣傳時,自稱被昔日好友兼組合ERROR成員吳保錡欺負,因兩人以前同場表演時發生搶咪事件,對方後來在ViuTV節目中無限放大,韓子亮大感不快。近日韓子亮燃點火藥,在IG指有料爆,直指吳保錡疑涉迷姦。

他發文寫道:「香港某組合成員涉嫌迷姦、狗公等行為,如果冇任何道歉或悔意,所有受害人將會接受訪問然後報警。唔需要告我哋誹謗,因為我哋有嘅係真材實料,睇住你成為香港版嘅吳亦凡。」其後,韓子亮連發多個IG Story,指迷姦事件是由女網友告知:「頭先我限時動態有一個Post講迷姦事件,係有個女網友inbox我講,所以實質證據要等佢交畀我先確實。至於其他狗公點樣氹女上床,嗰啲女仔都會逐一講出嚟。」

韓子亮後來直接標籤了吳保錡:「手頭上已經有7個畀你食過嘅事主準備企出嚟,如果你唔出嚟公開道歉,同所有受傷嘅女士道歉,意思係畀你玩過嘅女士,你準備退出娛樂圈,手頭上嘅證據加上佢哋肯做訪問。睇到你當初喺個節目度真係好假,嚟緊準備有一份禮物送畀你,香港版吳亦凡小豬,新一代世紀渣男ERROR成員吳保錡。」

韓子亮遂後再翻舊帳上載一段吳保錡舊日出騷的片段,爆粗鬧對方抽水。韓子亮一整晚不停Post,聲稱受保錡粉絲騷擾,自爆自己有情緒病。直到目前為止,韓子亮仍未展示實質證據證明吳保錡涉嫌迷姦。

圖:ig@韓子亮、吳保錡
立刻訂閱Telegram優惠頻道:

全新功能《優惠日曆》登場!

↓即刻入App睇盡即日/未來7日Chill抵優惠↓

即刻入App睇盡即日/未來7日Chill抵優惠

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠