TVB《香港小姐競選2021》於星期日晚已圓滿舉行，除了一眾佳麗美貌搶鏡之外，擔任主持的丁子朗和周嘉洛，都意外成為了焦點。本來西裝骨骨的兩人在泳裝環節時，突然以透視泳褲裝上陣，一黑一白喱士誘惑，鏡頭更近距離盡現雄風，連Do姐睇到眼甘甘。
丁子朗和周嘉洛繼今屆港姐準決賽後，再次升呢有份擔任總決賽的主持，兩人更在佳麗泳裝環節突然以透視泳褲登場，極盡一黑一白喱士誘惑，攝影師更由下至上近距離對焦兩人雄風，令周嘉洛表情腼碘，相當有趣，而站在兩人中間的Do姐都忍不住上下打量。
不少網民對於丁子朗和周嘉洛的透視喱士泳褲裝，就捧腹大笑，指兩人十足向叻哥陳百祥致敬，事關叻哥於18年前的《香港小姐競選2003》就以52歲之齡，破格穿上透視裝泳褲，主持泳裝環節。
現年24歲丁子朗和25歲周嘉洛，同樣是TVB力捧的新一代年輕小生。香港先生出身的丁子朗（Karl）經常都會在IG分享肌肉照，展示健實腹肌，加上可愛的酒窩和靦覥的笑容，一直深受女性觀眾喜愛。至於在《愛·回家之開心速遞》演「金城安」而大受歡迎的周嘉洛，就憑帥氣外貌、六嚿腹肌、搞笑演技而人氣急升。
圖及來源：TVB、IG@丁子朗、周嘉洛
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
