牛角buffet一向是香港最熱門的日本燒肉專門店之一，食物素有保證，食客不時都要大排長龍光顧。近日，就有一名港女於Facebook群組發文投訴牛角buffet為「黑心燒肉」，更狂數該旺角分店3宗罪表示強烈不滿，事件引來老闆黃傑龍的千字文回應，更連環哂證據反擊失實指控，踢爆該名客人隱藏事實。
事源有位客人於9月18日光顧牛角buffet的旺角雅蘭中心分店後，覺得自己付昂貴價錢卻獲得不對等質素的食物，指責「無良黑心」的牛角buffet「嚴重違反商品說明條例」，更一炮過以9張用膳過程拍下的相片，圖文並茂狂數3宗罪：點餐送上的和牛並非套餐內A5和牛；雪糕機製冷失靈致軟雪糕「一唧即溶」；結賬時不滿賠償及公司處理手法。
該位事主詳細於FB裡闡述相關控訴，首先狠批「第一Round叫嘅燒肉」食落好韌，「根本不是A5和牛嘅質素」，其後還對著一碟滿佈血水的牛肉拍照，指控為「比咁嘅劣質牛我」，表示好嬲嬲，其朋友更向事主表示「（牛角）成日側側膊」，力數圖中「血水和牛」並非A5和牛，只是普通澳洲牛肉。
其後，事主再數「唧雪糕」 之罪，指控雪糕「唧左出嚟3分鐘都無」，加入朱古力豆後「翻到去就溶成咁」，於是向店舖職員詢問，獲告知「雪糕機個製冷熄咗」。最後，事主透露在結賬後，向店舖經理投訴後獲2碟和牛作補償，但因時間問題，拒絕再食，不滿賠償。
事主將事件放上網後，牛角的老闆黃傑龍就以千字文解釋事件真相，更連環哂證據反擊被控訴的3宗罪，戲劇性踢爆該名客人隱藏事實。老闆黃傑龍逐點回應所謂的「3宗罪」：和牛、雪糕及埋單問題。老闆交代了客人是9時入座，11時11分結賬，0時05分離開餐廳。
首先反駁客人有問題的A5和牛其實是入座時奉上四款不同肉類的「頭盤」，從專用碟子就能辨別到，並非白色圓碟的 「A5和牛」，惟客人將「頭盤」放待兩小時後才刻意拍照比較時，卻在這碟「頭盤」上有一張不屬於它的「A5和牛」紙牌。
其次，有關雪糕即溶問題，老闆就反駁客人唧雪糕後「拎到返張枱之後又唔食擺喺個火爐邊幾分鐘熔晒變到好核突」再投訴。第三，老闆力斥客人「食咗130分鐘近百碟之後」，「拎返碟特登保留兩個幾鐘唔食嘅牛肉出嚟投訴話牛肉質素唔好，仲要話我哋呃人，要求唔俾錢」，並糾纏近一小時至凌晨，員工才基於心理壓力之下退回$878現金。
老闆戲劇性逐點擊破後，該名事主再撰文澄清，直言會員卡是借用回來的，表示是第一次吃牛角，而且是借用會員「承認R著數」，並再重申三宗罪。老闆亦再開腔回應，將會將凍結相關會員卡會籍。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
