MIRROR成員Anson Lo盧瀚霆（教主）人氣旺盛，近期仲衝出香港，紅到去英國！Facebook群組「我老婆嫁左比Mirror導致婚姻破裂關注組」就有網民分享帖文，表示英國倫敦一樣見到教主的應援，原來一班移英神徒大搞世界巡迴簽Banner活動，迫爆倫敦大笨鐘，相當具氣勢！
該位「前夫」就搞笑地表示：「一心諗住去咗英國唔使再同『前妻』去天星碼頭打卡影Anson Lo，點不知噚日都係要去大笨鐘前面影咗成粒鐘。」更hashtag 「#二百幾人圍住個紙板影影影 #點解英國都有咁多神徒」！
點擊圖片放大
Anson Lo盧瀚霆最近推出的全新跳唱快歌《Megahit》，MV推出六日將破200萬點擊率，人氣勢如破竹，甚至遠在英國的一眾神徒都為教主應援造勢，即使已移民英國，仍然繼續為教主參與在英國的一系列應援活動。居英神徒就發起了「世界巡迴簽Banner」！
《不可愛教主》Banner簽名活動第一站先在倫敦舉行，一眾神徒會在印有Anson Lo肖像的Banner上簽名，經過數站巡迴簽名後，就會把Banner寄回香港，送給Anson Lo以表心意。而簽名活動第二站將於10月2日（星期六）在伯明翰（Birmingham）舉行！
對於Anson Lo魅力廣及全球，一眾前夫似乎相當唔好受，紛紛狂呻移民都避唔開教主，當日過百神徒齊集於倫敦大笨鐘前完成第一站巡迴簽名，並拍攝大合照，其他圍觀的英國人都前來張望和舉機拍下，發覺認真大陣仗！
圖及來源：MV@megahit、IG@Anson Lo、ansonlht_uk_fans、FB@我老婆嫁左比Mirror導致婚姻破裂關注組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
