Novel Friday出歌點名狂轟MIRROR賣樣 新歌《MIRROR FREESTYLE》歌詞寸爆惹網民反應兩極

2021.10.04

本地Rapper「Novel Friday」最近推出新歌《MIRROR FREESTYLE》,歌詞寸爆紅透半邊天的男團MIRROR,不單止歌名指名道姓狂轟MIRROR,而且狂插MIRROR賣樣、賣廣告、唱勁水準差、商業心態為重,更語帶暗示姜濤、Jer柳應廷,引來極大迴響,網民反應兩極。

Novel Friday的作品一向走RAP路線,歌詞內容大多針砭時下現象,貫徹RAPPER的作風,而最新歌《MIRROR FREESTYLE》就開門見山,點名狂轟男團MIRROR,寸爆極速崛起、人氣爆燈的MIRROR,力數MIRROR成員幾宗罪,可謂毫不留口。

分析歌詞如下:

「(廣告廣告廣告廣告)/太多賣樣扮做歌/俾個偶像包袱我」入歌,力數「偶像派賣樣」;

「今次感冒/仲未睇醫生仲未睇醫生/所以今晚呢個PITCH/都仍然唱唔到啲音」,暗指MIRROR成員開騷表演前都會身體不適,因此唱歌會失準;

「變成商業口臉/唔講以為呢期/興返薑蓉薑臉」暗寸MIRROR商業心態為重,諧音「薑」字寸姜濤;

「有人真係以為自己代表緊個樂壇出一分力」,再補一句寸成員美其名為「做音樂」;

「好似一面鏡 將你逐個 睇穿再拆開 煎你皮拆你骨」,言詞尖銳,以「鏡」喻MIRROR;

「鍾意錢銀同名利 咪冇時間練歌 」,再提MIRROR密密接拍廣告而忽略練習唱歌;

「唔洗指名道姓 呢度鏡得一塊」,再「畫到出腸」直指MIRROR;

「講緊你哋呢班商業心態 靠音樂擋子彈 」諷刺MIRROR每每以「做音樂」抵擋負評;

「你本日記好狂咩? 唔講以為MUSE黎咗香港」,寸爆Jer柳應廷的歌曲《狂人日記》。

不少網民聽完歌,睇完歌詞之後就有很大反應,有鏡粉體諒偶像MIRROR工作繁忙,留言護航,抱怨公司要MIRROR走商業路線;亦有網民直指Novel Friday說出真話,更叫MIRROR的Rap擔當Lokman和Alton反擊,亦有人支持樂壇百花齊放,掀起了激烈討論。

早前,姜濤、Jer柳應廷於「叱咤拉闊903」的現場唱歌水準就引起不少關注,有指Jer柳應廷帶病上陣,因為感冒而稍為影響狀態,但演繹一樣打動不少在場觀眾。而今年年底,MIRROR六子就會合體開MOOV LIVE,唱歌水準將再受關注。

延伸閱讀:網上行MOOV LIVE《Music On The Road》音樂會 AnsonLo/Edan/Ian/AK/姜濤/Jer 12月會展門票詳情

 

►App《U TV》專區超過50個自家製節目任睇

 

 

圖及來源:FB@Novel Friday、MV截圖、IG@MIRROR

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠