憑《愛‧回家之開心速遞》「Terry」一角為人熟悉的TVB藝人李偉健，近日接連飽受「獅子山」、「圓規」帶來的8號風球、黑雨的侵襲，屋企牆身狂滲水，不但浸濕窗台和家具，而且睡床濕哂，面對「災情」嚴重就勁無奈表示：「水，全部都係水」。
「獅子山」日前來勢洶洶，Terry李偉健的屋企已經外牆滲漏，狂入水，家中窗台、洗衣機桌上、牆身、屋頂、廚櫃都無一倖免，更在個人IG社交平台寫上：「水，全部都係水。#外牆滲漏、#黑雨、#8號風球、#水為財」，亦表示會找師傅進行灌漿程序，做好防水工程。
一波未平，一波又起。兩日前經歷過「獅子山」，昨日又到颱風「圓規」再掛8號風球襲港，Terry李偉健的屋企在未完成防水工程下，牆身繼續有滲漏的情況，Terry唯有「嚴陣以待，備戰中」，再分享幾張相片，展示在家中的滲水之苦，牆身被浸濕一大幅；為防雨水漏入，唯有用布和衣物塞在窗邊和牆腳。
面對屋企牆身狂滲水 ，Terry李偉健就幽了自己一默，表示：「當你睡醒發現床單濕透了，別怕，不是你在尿床⋯只是颱風來了，你的外牆正在滲漏⋯(咁我情願係尿床好過）」，不少《愛回家》的劇中拍檔和網民都紛紛留言安慰，其中「大小姐」林淑敏就笑稱：「不如買包尿片貼牆」；「舅父KC」亦安慰：「發夢啫，瞓醒冇事㗎啦」。
圖及來源：IG@李偉健
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
