落選香港先生出身的TVB藝人黃建東（Derek），日前被爆出撻著40億千金、已故「海產大王」蔡繼有的孫女蔡頌思，有傳兩人因為合作舞台劇《老公你好悶呀》而戲假情真，更疑似入戲太深，不時在IG社交平台放閃，有機會下一位娛樂圈做億萬駙馬。而28歲蔡頌思（Jocelyn）原來來頭不小，出身自政協家庭，家境極度富貴！
現年40歲的黃建東（Derek）近期同樣在兩線劇集《我家無難事》和《把關者們》有配角演出外，亦大鑼大鼓宣傳其主演的舞台劇《老公你好悶呀》，其中女拍檔正是28歲的緋聞女友蔡頌思（Jocelyn），兩人在台上不乏親熱戲份，少不免擁抱和親吻，有傳兩人因為合演夫妻而擦出愛火，日前被傳媒拍到約會的照片，疑似秘密戀情曝光。
黃建東在IG上分享劇照宣傳舞台劇的同時，就寫上不少肉麻字句放閃：「呢個老婆真係令到人哋好exhausting呀」、「我老婆，隻衰豬有時都幾sweet嘅」，更在打風的一日語出驚人：「My dear老婆，今日因為8號風球冇得見你，聽日等我錫返夠本先。」惹來不少網民猜測兩人戲假情真。
至於現年28歲的蔡頌思（Jocelyn），在2020年就曾經參選過香港小姐，進行了第一輪面試便退選，更被爆料原來是已故「海產大王」蔡繼有的孫女，父親為香港新華集團主席及全國政協委員蔡冠深，被指坐擁40億身家；而Jocelyn對於家族身家傳聞，亦曾表示不太清楚實際數字。另外，除了父親是全國政協，Jocelyn自己亦曾任雲南政協委員的港澳區政協委員。
40歲的黃建東傳出秘撻28歲的40億千金蔡頌思後，不少網民就指黃建東有機會成為下一位娛圈億萬駙馬！事實上，黃建東於2011年落選香港先生後而加入TVB，十年來默默拼耘，近年憑著扮嘢功力和口才而嶄露頭角，在TVB節目《週末幫你慳啲啦》中就可見一斑。
圖及來源：IG@黃建東、蔡頌思
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
