【賭命夫妻】人夫被摑後大男人態度180度轉變勁體貼 老婆冧爆:男人嘅溫柔令段關係好好多

2021.10.19

ViuTV話題十足的真人騷《賭命夫妻》上星期的一集裡,人妻Teris突然掌摑自己老公Dennis,將心裏的不忿都宣洩出來。最新一集,這對夫婦就重修舊好,老公Dennis緊張大男人態度大蛻變,180度轉變變得勁體貼,在玩任務的時候更對老婆展現出溫柔與耐性的一面,令到老婆Teris冧到爆。

《賭命夫妻》最新一集又有新任務,需要由兩夫妻一個蒙眼,一個開眼,靠另一半指引行出水上獨木橋;當去到橋中間要對調蒙眼同開眼指引的角色,再繼續行;當去到橋的盡頭,蒙眼的人要拋4個波給對方接任,方能完成任務,獲得獎金;若任何一方跌落水,獎金將會歸零。

上一集發脾氣而炒大鑊的兩夫妻Dennis和Teris,老公Dennis經過上次被老婆摑咗一巴後,就將大男人態度放下,180度大轉變,變得勁體貼老婆。Dennis做任務時就盡展溫柔一面,落足咀頭安撫戴上眼罩的老婆Teris;當Teris腳步不穩時,Dennis即刻出聲:「唔洗驚啊!我喺度」,更有耐性地提醒Teris要放鬆少少,否則雙腳會好累。

Dennis看著戴上眼罩的老婆Teris轉圈後,更大聲講「唔洗急啊,慢慢嚟,我陪任你一齊行」,關懷備至。去到獨木橋尾段,Dennis不斷鼓勵,提醒Teris有少少浪要扶一扶先,就在專注老婆我安全之際,老公Dennis就忽略了自己,突然失平衡跌落水,相當唔抵!

事後,回想起上一集兩人的針鋒相對,彼此終學會了溝通,而老婆Teris更冧爆表示:「我老公從來都未試過用咁好嘅語氣同我講,識佢到宜家都未試過,第一次咋真係,好窩心,原來我老公都可以咁有愛」,更表示「男人嘅溫柔令段關係好好多」,看來兩人關係更進一步!

 

 

圖及來源:節目截圖

下一頁

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠