【電視迷注意】10月新上架!myTV SUPER六大全新節目劇集

2021.10.22

香港電視製作唔止有創意,題材仲夠晒多元,好似myTV SUPER啱啱推出嘅自家製節目,題材好吸引!有鬼故+搞笑綜藝、暗黑靈異劇集、教煮節目、女生養生潮流,即使外購劇都搵嚟香港演員「貼地」配音,想知內容簡介、上架日期同有咩藝人嘉賓加持?即睇!

《鬼上你架車》第二季

上架日期:10月29日
主持:方力申、當奴
嘉賓:Eric Kwok、胡定欣、李佳芯、農夫、陳瀅、劉心悠、鄺潔楹、劉穎鏇、戴祖儀、陳曉華

小方同當奴做主持,每集邀請名人嘉賓Carpool講靈異經歷、鬼故!喺細細嘅車廂入面,嘉賓同主持都本住「又要驚又要聽」心態,一時大叫,下一秒又爆笑,睇到觀眾都唔知驚定笑好!第一季播出後反應熱烈,添食拍第二季,嘉賓卡士依然強勁,有視后胡定欣、Ali、農夫同「心悠BB」劉心悠!節目仲加入全新「藝人恐怖劇場」,由嘉賓演繹迷離短劇,想睇視后級演技一定要睇啦!

 

《凶宅清潔師》

上架日期:待定
演員:洪永城、C君、劉頌鵬、邵展鵬、李梓謙、倪嘉雯、張達倫、李成昌、傅嘉莉、鄭俊弘、歐陽偉豪、杜燕歌、陳榮峻、吳香倫、古佩玲
集數:13集

榮升人夫嘅洪永城,原來早排都榮升監製!拉埋「鬼才」C君、《大叔的愛》監製兼編審盧思麟,合力監製暗黑系劇集《凶宅清潔師》,大玩靈異題材!劇情講述Tony係職業法師,一日與另外兩位師傅(Ben Sir及李成昌)清潔凶宅時,慢慢發現該凶宅嘅往事,展開調查,劇中仲有「唔信鬼」嘅女主角傅嘉莉、飾演地獄黑仔王嘅鄭俊弘,咁究竟C君又會飾演咩角色呢? 

 

《惡魔的藝術》(原音及Tyson泰臣配音版)  

配音版上架日期:10月29日

平時搞笑鬼馬嘅實力演員Tyson泰臣,今次搞搞新意,為泰國恐怖劇集配音!《惡魔的藝術》是泰國大受歡迎的「降頭系列」電影,今次推出劇集版,故事講述校園啦啦隊內明爭暗鬥,並用降頭作復仇!承襲電影的恐怖風格,第一集已經出現刀片、鐵釘穿透皮肉等情節,勁血腥!想知泰臣會如何為泰劇配上貼地生動配音?記得留意!

>>免費首集試睇!<<

《惡魔的藝術》首集原音版:https://bit.ly/3DZ8Ntk


《Gi味俱全第三季》

上架日期:11月4日

入廚超過60年嘅黃淑儀(Gigi姐)廚藝出晒名,之前《吾淑吾食》系列係唔少香港家庭嘅集體回憶,新節目《Gi味俱全》亦都拍到第三季喇!今次Gigi姐以「時令、節日菜式」為主,教大家點樣揀時令食材,以簡易手法煮出老少咸宜菜式,各位天堂地獄煮婦,係時候聽書學嘢! 

>>免費重溫第一、二輯!<<

第一輯:https://bit.ly/3pkJEFE
第二輯:https://bit.ly/3jkJfPv


《世界養生組織》

上架日期:逢星期二更新
主持:黃翠如、陳自瑤

疫情下,喚醒大家對「健康」嘅關注,兩位時代女性黃翠如同Yoyo陳自瑤,原來都對「養生」好有興趣,仲帶隊訪尋唔同香港養生達人偷師,大談世界各地養生大法,注重身心健康嘅你記住睇喇。

>>免費首集試睇!<<

《世界養生組織》: https://bit.ly/3jiDbqZ 


《一夜夫妻120蚊》

上架日期:預定11月
演出:鄧健泓、石詠莉及5對「素人」夫妻

慳錢夫妻真人show,喺每日只有$120生活費下,測試吓六對夫妻嘅「慳錢」功力,連藝人鄧健泓同石詠莉都有份參加,究竟娛樂圈中人係咪想像中咁「大使」?拭目以待!

 

Info: myTV SUPER

 

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠