好多人都對Vintage風嘅家居設計好有興趣，今次呢間位於深井嘅單位，男戶主本身就係經營售賣古着同vintage物品網店，有唔少私伙珍藏嘅擺設同傢俬，所以今次設計師就以懷舊風為主題嚟設計呢間屋，全屋以深色為主調，配合如水泥牆、原木傢俬、中空特色磚等物料，營造全屋嘅復古風。呢個單位外面，仲有個無敵海景，究竟設計師點樣改動間隔，令屋主睇靚景時更加爽呢？
全屋設計以深色調為主，配合如水泥牆及原木電視櫃等，營造出復古風氣氛。
客廳梳化背的牆身太短，設計師以帶懷舊風的中空磚，砌出間隔牆，解決原則問題之餘，又具特色。
飯廳的高身儲物櫃，隱藏了冷氣機及伸縮餐枱。
全屋最大嘅間隔改動，就係將原來走廊尾嘅兩間房打通合併，變成一間分成睡眠區同衣帽間兩個區域嘅主人房，而窗亦可以大咗，喺欣賞青馬大橋、馬灣同汀九大橋嘅靚景時，就更加爽啦！
主人房把原來走廊尾的兩間睡房打通，一邊是睡眠區連儲物地台，另一邊是衣帽間。
由於女戶主想個廁所大啲，放置浸浴缸，所以設計師都將牆身改動，加大廁所。新嘅廁所以深灰色牆身配黑色潔具，很具型格。睇真啲，當中嘅黑色石洗手盆、壁燈同鏡，原來都配合咗復古風㗎！
女戶主希望廁所增大並加設浸浴缸，設計師將原則廁拆牆改建。
廁所以深色為主，無論壁燈、鏡以至洗手盆都貫徹懷舊風。
由於男戶主會喺屋企做手作，同時要有地方存放珍藏以及貨品等，所以將其中一間睡房，改成工作室，設計師特地喺唔同牆身，加上水松木牆紙及石紋藝術漆，營造懷舊工業風。
屋主會在家中做手作，所以將其中一間睡房改成工作室，一樣走懷舊工業風風格。
牆上的二戰時期美軍軍艦掛鐘，以及玻璃原木展示櫃，都是屋主私人珍藏。
另一方面，原則嘅廚房亦太細，現在設計師把門口牆身拆掉，改以組合櫃間牆，令廚房空間擴大。
廚房入面以nude色廚櫃門配深灰色牆身，很具特色。
廚房門上，加上復古風雕花玻璃，配合全屋風格。
【INFO】
設計團隊：Deco Farmer Studio
裝修支出表：
電力工程 $75,500
水喉工程 $24,500
油漆工程 $62,700
泥水工程 $103,200
傢私工程 $263,900
冷氣及通風工程 $3,200
鋁質及玻璃工程 $17,500
雜項工程 $55,500
=====================================
總數 $606,000
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
