TVB台慶劇《星空下的仁醫》雖然開播首周收視僅得18.5點，但劇集口碑相當不俗。最近劇情講到鍾嘉欣飾演的「章以芯醫生」為半歲病童睿睿進行緊急心臟手術，期間幾乎手術失敗，但鍾嘉欣鍥而不捨，強忍淚水終成功搶救睿睿的生命。鍾嘉欣的喊戲演技，一改以往死喊爛喊的演法，反而變得內斂細膩，有層次的演技獲得不少好評。
最新一集劇情講到鍾嘉欣飾演的「章以芯醫生」發現半歲女病童睿睿有嚴重的心臟問題，開刀進行緊急手術，怎料在10號風球下醫院機房水浸停電，期間又有同事暈倒，過程極不順利，幾乎要接受手術失敗。由於睿睿的心臟問題太嚴重，有可能回天乏術，鍾嘉欣一度緊急暫停手術。
正值懷孕初期的鍾嘉欣，面對半歲的睿睿心臟仍無法正常運作，同為人母感同身受，在鄭嘉穎面前爆喊，生怕自己無法拯救睿睿的弱小生命。鍾嘉欣醞釀情緒：「但如果到最終，我哋救唔到佢」，一邊輕捶自己大腿，一邊愈講愈激動：「可能因為我就嚟做人媽咪，所以我感覺到原來面對死亡係幾咁難受」。
鍾嘉欣開始「眼濕濕」，眼淚漸漸湧在眼眶，但沒有潸然溢出，反而強忍淚水，先拭淚，再由淚水滴濕醫生手術袍：「我唔知點面對佢媽咪，唔知點同佢講」，場面扣人心弦，令觀眾眼濕濕。不少觀眾發現鍾嘉欣的喊戲演技比以前蛻變，不再一味死喊爛喊，反而演繹得內斂含蓄，有細膩的層次遞進，情感更加真摯，獲讚視后級水準。
圖及來源：劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
