ViuTV真人騷《賭命夫妻》播出接近尾聲，5對夫妻接受了一連串的驚喜任務和遊戲後，最新一集迎來最催淚的一刻，製作組以「為另一半準備告別禮」為主題，為每對夫妻破格準備了模擬喪禮，營造另一半死去的效果，場面極度逼真。而其中一對，老公Dennis聽完老婆Teris的遺言，「陰陽相隔」仍公開告白，瞓咗落棺材的老婆Teris都聽到崩潰爆喊！
最新一集以「為另一半準備告別禮」為主題，為夫妻破格準備模擬喪禮，營造出老婆已經死去、離開人世的場面。其中一對的老公Dennis在喪禮上公開告白：「遇上咗你，我終於想安定落嚟。我好努力咁去畀安全感你」，表示兩人由共患難到共富貴，「你想要嘅嘢，我都會盡力去畀你」。去到這一刻，瞓咗落棺材的老婆Teris已經聽到流哂眼淚。
老公Dennis自己都講到一度哽咽：「老婆你都改變咗我好多嘢，你令我明白到有時候不需要過於理性」，Dennis更在喪禮上懺悔自己的壞脾氣：「後悔當初沒有讓你多一點」，更講到以前老婆Teris每晚瞓覺都要枕著Dennis的手臂，但Dennis就心諗點解要阻住我瞓。
直到這幾個「老婆死去」的晚上，Dennis才開始懷念Teris的小鳥依人，更告白：「我會一直掛住你」，搞到老婆Teris闔埋眼都聽到爆喊。
而老婆Teris在「死前」亦準備了遺言給老公Dennis，第一句話「我好感恩個更可以畀我遇到你」已搞到Dennis喊咗出嚟，Teris真情告白：「很感激在最無助的時候遇上你」、「我可以成為你嘅太太，我覺得自己真係好幸福，」聽到一向大男人的Dennis眼淚係咁流。
Teris更在遺言裡再三叮囑：「我希望你會好好照顧自己，以後甚至永遠，由呢一刻開始我就要離開你啦」，Dennis去到呢一刻就已經，只可惜只夠力啜泣，場面極其催淚。
圖及截圖：節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
