港島罕見新樓!入場價600萬有找 交通勁方便 + 鄰近太古城 + 3.5米高樓底

文: U Magazine
2021.11.11

恒地港島新盤THE HOLBORN 9月中推售,以交通方便、周邊配套完善為賣點之一。最近更傳出連溥儀外侄孫女都買入咗一房單位,好似好犀利咁,一於睇吓有咩特別先!

THE HOLBORN 位於筲箕灣道1號,為單幢式設計,分 A、B 兩翼。樓高 31 層,提供共 420 伙單位,每層設 16 或 17伙 (頂層 32 樓設 13 伙) ,首先睇咗最多伙嘅一房清水單位 (B座28樓B5室(255平方呎一房連開放式廚房) 先!


其實一入屋就已經見到雪櫃同蒸焗爐藏於門後,另外左邊係開放式廚房、右邊係睡房同廁所,一眼睇晒都幾菂式。
發展商贈送嘅電器質素相當唔錯,包括德國知名品牌Siemens 、Mia Cucina 等。開放式廚房上層為入牆式櫥櫃,下層係洗衣機及儲物空間,採用 2 頭明火爐,新樓較少見。


行入少少會見到大廳連22平方呎露台,估計面向馬路,高樓層會望到開揚山景。


睡房為實用正方間隔,方便擺設傢俬,另附送到頂儲物櫃。而落地玻璃窗採光良好。睡房及浴室之間以到頂衣櫃相隔,一人使用的話儲物空間充足。

浴室 (無窗)為企缸設計,收納空間多,選用意大利知名浴室品牌 GESSI,惟馬桶同牆嘅距離略為狹窄,坐低後只有約半隻手臂長。

跟住睇埋裝修後嘅示範單位參考吓先。設計師貼合樓盤主題,全屋採用時尚英倫風。單位最大改動係拆除咗原則兩幅牆身,睡房一邊以藝術屏風取代,洗手間則用上半透明磨砂玻璃,增加空間感。另外,為咗令睡房有更多空間擺放傢俬,改動後只剩一個衣櫃。浴室裝修都花咗唔少心思,以水磨石面、磨紗玻璃、復古深藍磚牆取代原本裝修,色彩配搭大加分,令人眼前一亮。

之後去睇452平方呎嘅A座28樓A1室(兩房連儲物室)。門口左邊就係趟門設計嘅儲物室,有請工人嘅家庭有機會用作工人房嘅話則略為狹窄。玄關位置設鞋櫃、儲物空間及無線充電。

行入少少望向右邊就見到開放式廚房連16平方呎工作平台。同樣,廚房包含到頂廚櫃、名牌電器以及2頭明火爐。

而另一邊就係客廳連22平方呎露台,實用長方間隔,高樓層可望海景。

走廊第一間係客房,實用正方間隔,可擺放單人床及單邊衣櫃或書枱,配落地玻璃窗。空間足夠擺放雙人床、單邊衣櫃及書枱。

客房嘅另一邊係浴室,特別之處在於有窗,惟馬桶與牆身距離同樣狹窄。

走廊盡頭係主人房,兩邊落地玻璃窗,採光充足,空間足夠擺放雙人床、單邊衣櫃及書枱。

另外,高樓底都係賣點之一,平均足足有 3.5米高,如結構上可以的話可考慮增設閣樓。發展商同時利用高樓底設計咗多個由地面到天花嘅儲物櫃。雖然收納空間多咗,但如相片所見,即使用咗附送嘅鋼梯仍然掂唔到最高一格。

埋會所有咩配套先!住客會所 CLUB HOLBORN 總面積約6,154平方呎,共有16項設施包括健身室、Grand Lounge (Fireplace )、宴會廳、都市農莊、公用花園及遊樂設施等。另外,天台總面積約2,259平方呎,設有綠化空間、園景區以及休閒設施 (包括BBQ爐)。

樓盤坐落於太古站同西灣河站之間,享雙鐵路站優勢,行去西灣河站只需 3分鐘,而較遠嘅太古站都只係 10 分鐘內。其他交通設施亦相當齊全,包括電車站、多條巴士及小巴路線來往港九新界。行遠少少仲有西灣河碼頭可以搭船去觀塘同鯉魚門三家村㖭啊。


民生設施方面就更加唔使講啦,呢區出名方便完善,樓下就有唔少餐廳、超市、診所、街市、藥房等,包括西灣河街市同太安樓,應有盡有。夜晚想嘆返杯或者Happy Hour就可以行去蘇豪東,海濱公園對開都有幾間餐廳酒吧,靜得嚟都幾chill!想去大型商場嘅話,步行或者搭叮叮去返太古康怡嗰邊就有太古城同Aeon。

最後睇埋鄰近嘅康樂設施,包括西灣河海濱公園、鰂魚涌公園、西灣河體育館以及愛秩序灣公園等等。

【INFO】
THE HOLBORN
地址︰香港筲箕灣道1號
示範單位地址︰中環國際金融中心一期31樓
售價:折實售價由$5,808,260港元至$8,190,220港元,折實呎價$25,309港元至$31,617港元。
入場價單位為開放式單位(實用面積224平方呎):折實售價580,826萬港元起、折實呎價25,930港元起



text│Yuen
photo│Chow

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓