東張西望|32歲女主持林希靈伸張正義鬧爆霸樓女保安 獲讚勇猛女神現實男友是ViuTV大隻靚仔小生

文: 羅志宏
2021.11.17

TVB《東張西望》近期講到聾啞女子美華因為爸爸死去而被女保安阿娟霸咗層樓,因而被迫露宿家門前一事,引來廣泛關注。《東張》女主持林希靈陪同美華討回公道時,不畏強權伸張正義,當面對質誓要為重奪家園,更出言鬧爆霸樓女保安,獲讚表現勇猛!

《東張西望》連日來報導聾啞女子美華被搶樓兼被迫露宿的慘況,令不少觀眾深表同情。至於身為關鍵人物的霸樓女保安阿娟接受訪問之餘,亦願與美華當面對質。不過,阿娟最後因理虧而惱羞成怒,再次趕走美華令佢露宿。

女主持林希靈面對女保安阿娟的咄咄逼人時,亦無所畏懼,出言大聲鬧爆該名霸樓女保安阿娟。阿娟冇人性地接連鬧林希靈:「你係咪惹嬲我?你係咪惹嬲我?你係咪惹嬲我?」林希靈面對被連番攻擊亦不怕,勇猛地大聲反駁:「我唔係惹嬲你,我講道理」,獲讚為正義發聲。

幾經斡旋後,幸好美華都能返回家中取回自己的重要文件,而且在《東張西望》的協助下,向律師諮詢樓宇業權的問題,美華亦終找到一線曙光,為自己取回公道。

網民對於林希靈的勇猛表現,就紛紛大讚其表現專業「希望TVB頒一個為正義發聲主持人獎给林希靈」、「林希靈不怕強權為公義發聲」、「林希靈好嘢,為弱女伸張正義」!

現年32歲的林希靈,自2012年加入TVB成為收費電視台主持,2015年才在兒童節目《Think Big》中開始為人熟悉,在2019年起擔任《東張西望》主持至今。現實中,林希靈擁有一位ViuTV大隻靚仔小生的男朋友,就是陳安立(Brian),兩人更一起投資6位數字建立網上節慶美食品牌。



圖及來源:IG@lamheiling、節目截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【聖誕1 Fun搶】大派自由鳥亞洲旅遊數據卡!↓

↓即下載登記!即賞U Fun!即時免費換走↓

↓即下載登記!即賞U Fun!即時免費換走↓

↓【送禮】大派AIA嘉年華門票+代幣200套!↓

↓ 免費入場!玩盡機動及攤位遊戲!↓

↓ 免費入場!玩盡機動及攤位遊戲!↓

相關文章