【有請師傅】終於等到蘇師傅講12生肖虎年運程喇！今晚率先睇虎、兔、龍 3個生肖先，其他陸續有來！
寒命人︰出生於西曆8月8日後3月6日前。運程由2022開始至2027年逐步上升
熱命人︰出生於西曆5月6日後8月8日前。運程由2022至2027年逐步下降
平命人︰出生於西曆3月6日後5月6日前。運程由2022至2027年逐步下降
屬虎（生於1938年、1950年、1962年、1974年、1986年、1998年、2010年）
吉星：冇
凶星：劍鋒、伏尸、太歲、披頭、地煞
特別留意犯太歲！
犯太歲同運氣冇直接關係，主要為悲觀負面情緒，尤其係36歲，諗埋啲嘢都冇晒出路，其次係48歲同12歲都要留意情緒問題，多提醒自己要正面啲。
可以嘅話，2022農曆一月、2023農曆一月去旅行化解，
平命熱命人(生於春夏天)︰去西北方
寒命人(生於秋冬天)︰去東南方
唔好去錯方向喎，去錯方向會有反效果。
犯太歲每年有凶星「劍鋒」、「伏尸」︰容易受金屬所傷見血、交通意外 ，揸車就特別要留意撞車。即使唔揸車，農曆一月、七月︰適宜捐血或者洗牙化解。
反而財運今年唔錯，即使生於春夏天運氣開始下降，但財運都可以提高一線。生於秋冬天因為2022至2027木火流年，寒命人︰運氣日增月盛，所以即使2022年犯太歲有悲觀負面情緒都好，如果有新發展機會又好想轉工嘅話，職場上可嘗試稍作改變。
總觀來講，今年感情方面，來一段、去一段，結婚分手或者懷孕。如果係分手就喊得一句句，如果係有喜事就「一喜擋三災、無喜心情壞」，有喜事仲可以壓制負面情緒㖭！
屬兔（生於1939年、1951年、1963年、1975年、1987年、1999年、2011年）
吉星：太陽
凶星：天空、咸池、年煞
財運：排第1位
桃花：排第3位
屬兔今年運氣唔錯，今年係咸池桃花年，有桃花代表交際應酬人緣好，間接對事業有幫助。
今年嚟講同虎一樣，財運唔錯，加埋桃花之助，所以12生肖方面，你桃花排第三、財運排第一，即使你生喺春、夏天，運氣開始慢慢下降，但今年財運加桃花之助，運程都係睇高一線；
相反你生喺秋、冬天，寒命人，2016至2021運氣已到谷底，今年可能谷底反彈、反彈得比較其他生肖快，所以今年新機會可以起步嘗試，無論轉工又好、新嘅投資又好，可以稍作嘗試，不過投資唔係講投機，投資係講做生意，唔係話買股票，亦唔係買樓，嗰啲係計數，同運氣無直接關係。
今年吉星有太陽，有男貴人之助，上司、柏檔、下屬係男人，都特別容易有幫助；
凶星有天空，即係計劃容易成空，我成日講，有計劃嘅人大部分唔成功㗎，最叻嘅人係解決眼前問題嘅人，所以唔使有計劃，見一步行一步其實就啱㗎喇。不過阿媽成日叫我哋有計劃嘅，我都無辦法。
屬龍（生於1940年、1952年、1964年、1976年、1988年、2000年、2012年）
吉星：冇
凶星：天哭、喪門、地喪、豹尾、月煞
財運：排第10位
桃花：排第8位
屬龍今年認真麻麻哋，同虎一樣一粒吉星都無，完全無外來助力，所有嘢都要親力親為。
運氣方面，如果你係春、夏天出世嘅平命、熱命人，運氣去到2021年有機會已經結束，最多延續至2024年，但你預延續唔到好啲，2022年之後「宜守不宜攻」；
相反你生喺8月8日、3月6日之前嘅寒命人，今年開始一路至2022年，因為木火流年，所以今年係一個轉運年，轉好唔係轉衰，有機會逐步逐步漸入佳境。
今年無吉星，凶星得一粒天哭，天哭代表心情唔好、容易喊，其實無乜大問題出現。
總觀屬龍運氣比較平穩，春夏天嘅宜守不宜攻；秋冬天嘅可以稍作嘗試。
（影片及資料提供：蘇民峰師傅）
【INFO】
蘇民峰2022 虎年運程
售價：72港元
銷售地點：各大商務印書館、三聯書店、中華書局、便利店 、書報攤及一本「萬里店中店」
同場加映：
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
