蘇民峰2022虎年運程 率先睇!生肖蛇、馬、羊

2021.11.18

【有請師傅】終於等到蘇師傅講12生肖虎年運程喇!今晚率先睇蛇、馬、羊 3個生肖先,其他陸續有來!
寒命人︰出生於西曆8月8日後3月6日前。運程由2022開始至2027年逐步上升
熱命人︰出生於西曆5月6日後8月8日前。運程由2022至2027年逐步下降
平命人︰出生於西曆3月6日後5月6日前。運程由2022至2027年逐步下降

屬蛇(生於1941年、1953年、1965年、1977年、1989年、2001年、2013年)

吉星:太陰
凶星:孤辰、亡神、三刑、勾神、貫索、六害
財運:排第11位
桃花:排第10位

屬蛇,特別留意太歲相刑,太歲相刑有時仲棘手過犯太歲同沖太歲。
犯太歲︰出現悲觀負面情緒;
沖太歲︰轉變大—變好或變差;
太歲相刑︰有問題但不能解決,
所以文件契約、錢銀數目所有嘢要清清楚楚,如果唔係就容易纏繞你一年。

除咗太歲相刑之外,今年所以無論運氣、財運或感情人緣方面都唔太理想。因為太歲相刑亦都會影響感情,要特別提醒自己。

感情多小爭拗
特別留意農曆一、四、七、十月︰容易爭拗月

既然運氣方面排第11名,
平命熱命人(生於春夏天)︰宜守不宜攻、守住舊有一套
寒命人(生於秋冬天)︰2022年夏天漸入佳境、穩守、預計多波折
但始終你今年都太歲相刑,是非比較多,都係穩守好少少,真係好想轉先轉少少啦。

吉星有「太陰」︰女貴人之助,上司、拍檔、下屬係女人會有幫助,所以除非你跟個女上司啦,今年就會有助力。

凶星「孤辰」︰心情覺得孤獨唔開朗,加上太歲相刑又心情唔開朗,就算有朋友約你出街都驚得罪朋友,犯是非,棘手少少。仲有一粒叫做凶星「亡神」︰失物,容易唔見銀包、鎖匙、手提電話等私人物件特別要留意。

屬馬(生於1942年、1954年、1966年、1978年、1990年、2002年、2014年)

吉星:三台、將星、金匱
太陰:飛符、官符、年符、五鬼
財運:排第6名
桃花:排第5名

屬馬嘅朋友今年唔錯,因為虎年同馬係太歲相合︰代表人緣好、各方面較穩定;感情比較穩定,雖然今年唔係桃花年,但係太歲相合年。
「合」︰代表感情穩定、有拉埋天窗或同居機會,單身朋友則脫單機會不大。總之就比較穩定啦!但如果單身嘅朋友今年來一段感情嘅機會就唔大,因為今年唔係特別桃花年嚟㗎。

今年吉星來講比較多,有「三台」、「將星」、「金匱」。
「三台」、「將星」︰有利權力地位提升;
「金匱」︰財帛有利、升職加人工、生意增加
容易搬舊錢返屋企擺入夾萬,所以今年有升職及加人工嘅機會,做生意地位提升咗,生意自然會好少少。

不過凶星都比較多,「飛符」、「官符」、「年符」︰突如其來的官非是非、人事不和;
「五鬼」︰小人星,我成日講小人通常都唔使理佢嘅,通常小人成日背後篤你背脊,講你是非,成就唔夠你好、人唔夠你叻就會眼紅你,唯有做吓呢啲小動作。
「飛符」、「官符」、「年符」:呢啲官非是非唔一定係指犯官非。可能亂過馬路俾人捉到罰錢、亂扔垃圾俾人罰錢或者抄牌唔記得俾再罰多啲錢。所以今年屬馬人士,醉酒駕駛千祈唔好制,唔怕一萬只怕萬一,切忌行差踏錯!

運氣方面都要分返春夏秋天出世,
平命熱命人(生於春夏天)︰運氣回落、宜守不宜攻
始終運氣去到2021年就到頂,而家慢慢落返嚟。即使今年運氣唔錯都好;
寒命人(生於秋冬天)︰可嘗試新改變、做生意、2022至2027年可睇高一線。 

因為之前2019-2021年比較辛苦,份工又唔係好想做,直到而家真係好想轉就今年可以嘗試。不過等到四月夏天清明之後就好少少,可以嘗試做生意。如果你確定自己入咗大運就可以大舉進攻。

屬羊(生於1943年、1955年、1967年、1979年、1991年、2003年、2015年)

吉星:月德、天喜、扳鞍
太陰:死符、小耗
財運:排第4名
桃花:排第2名

屬羊嘅朋友,你今年去到虎年比較平穩,無乜大問題。同埋有個好處就係桃花排第2名,容易脫單、結婚、懷孕。因為今年桃花排第一係牛年,排第二就係羊年。如果2021年沖太歲分咗手,今年要抹乾眼淚馬上投入新感情。但如果2021年因為沖太歲而結咗婚或者懷孕,今年就恭喜你,上年懷孕今年就生仔,結咗婚都容易大肚㗎喎。所以屬羊嘅你今年係人緣桃花方面就排第2名,特別好!

財運排第4名,因為吉星比較多!有「月德」、「天喜」及「扳鞍」
「月德」︰代表逢凶化吉
「天喜」︰桃花星、開心星
「扳鞍」︰代表地位提升
所以今年又逢凶化吉、又有桃花星又有地位提升星。不過今年有凶星,「死符」︰代表小疾病

但今年唔係疾病年,最多係2021年嘅腸胃問題會延續到今年4月5日之前,4月5日之後都冇乜大問題,小毛病唔使專登理。

凶星「小耗」︰代表小破財
小破財就容易解決,平時你想買又唔捨得買嘅就用咗嗰筆錢,一來應咗破財、二來買個心頭好都好。

屬羊,今年運氣排第4名,但係都要分春夏秋冬出世,
寒命人(生於秋冬天)︰今年大翻身、運氣日增月盛。
平命、熱命人(生於春夏天)︰運氣2022年後開始下降,尤其是2025、2026、2027年一定要停,即使僥倖運氣有所延續,2022、2023、2024年都有機會慢少少。

(影片及資料提供:蘇民峰師傅)

【INFO】
蘇民峰 2022 虎年運程
售價:72 港元

銷售地點:各大商務印書館、三聯書店、中華書局、便利店 、書報攤及一本「萬里店中店」


同場加映:





立刻訂閱Telegram優惠頻道:

全新功能《優惠日曆》登場!

↓即刻入App睇盡即日/未來7日Chill抵優惠↓

即刻入App睇盡即日/未來7日Chill抵優惠

評語

獨家優惠

輕掃查看其他優惠