蘇民峰2022虎年運程 生肖猴、雞、狗 率先睇!

2021.11.18

【有請師傅】終於等到蘇師傅講12生肖虎年運程喇!今晚率先睇猴、雞、狗 3個生肖先,其他陸續有來!
寒命人︰出生於西曆8月8日後3月6日前。運程由2022開始至2027年逐步上升
熱命人︰出生於西曆5月6日後8月8日前。運程由2022至2027年逐步下降
平命人︰出生於西曆3月6日後5月6日前。運程由2022至2027年逐步下降

屬猴(生於1944年、1956年、1968年、1980年、1992年、2004年、2016年)

吉星:天馬、天解、解神、地解、八座
凶星:大耗、血刃、浮沉、歲破、闌干
財運:排第12位
桃花:排第11位

「沖太歲」︰代表動、變化,容易感情、住屋、事業變化;
感情變化︰容易結婚、分手、懷孕,容易來一段感情去一段感情,或者懷孕都叫做感情變化。
住屋變化︰搬屋,搬屋搵間好嘅風水屋就得啦。2024年前︰大門向東南、西北最好。切忌搵大門向東北或西南的屋︰唔旺財唔旺丁、不利錢銀,記住唔好搵呢個方向就得啦。正東、正南、正西、正北,一係旺財唔旺丁、一係旺丁唔旺財,都冇乜所謂嘅。
事業變化,要特別留意兩極化;
寒命人(生於秋冬天)︰放膽嘗試新機會;如果你係寒命人因為之前幾年都麻麻哋。
平命熱命人(生於春夏天)︰宜守不宜攻,所以可以守就守、停就停,唔係好適宜轉工。同埋今年「沖太歲」特別容易搬屋,每年「沖太歲」都有個「大耗」星跟住你。

吉星「天馬」︰即驛馬,代表多走動,今年又沖太歲又係驛馬年所以周圍走或者搬屋嘅機會都比較大。
吉星「天解」、「解神」、「地解」︰逢凶化吉,能化凶星之力,將凶星嘅能量減弱,所以今年即使破財都好,三粒逢凶化吉嘅星將情況減弱好多,

凶星「大耗」︰大破財
無論搬屋、買屋或者用一嚿錢買嘢都好,容易大破財。不過今年吉星都比較多。

「血刃」︰手腳易受損傷、車禍,因為「沖太歲」金木交接,易見損傷、刀傷及車禍,所以揸車容易撞車,容易切親手。

農曆一月、七月︰洗牙捐血化解,所以今年筋骨手腳特別要留意,尤其係做運動嘅你好容易筋骨受傷,特別要留意膝頭。

「浮沉」︰浮浮沉沉、減慢進度,今年嚟講都唔會慢,始終「沖太歲」進步就慢嘅,因為今年啱啱木火第一年,金水最後一年,無論平命熱命定寒命人,今年嘅運氣都未話有好明顯嘅轉變,衰又唔會好衰,好又唔會好得好快。

「歲破」︰即「沖太歲」,唔使理啦。所以綜觀今年屬猴嘅你要捐血洗牙化解,主要係容易搬屋、轉工、感情變化。


屬雞(生於1945年、1957年、1969年、1981年、1993年、2005年、2017年)

吉星:龍德、紫微
凶星:的煞、破碎、暴敗、天厄
財運:排第8位
桃花:排第7位

今年運氣都唔錯喎,因為有吉星,
「龍德」、「紫微」︰貴人星、有力貴人扶助

不過今年就唔夠去年人緣好,因為屬雞嚟到虎年又唔係太歲相合又唔係太歲相沖又唔係桃花年,各方面相當平穩。不過今年十二生肖入面最有力嘅吉星「龍德」同埋「紫微」喺你身上,有力貴人星,所以貴人運比較好。

凶星:「的煞」、「破碎」、「暴敗」、「天厄」,不用特別留意,即使今年你唔係太歲相合又唔係桃花年,因為始終有吉星冇凶星都係唔錯的。

咁如果你生於3月6日之後8月8日之前因為,
平命熱命人(生於春夏天)︰今年運程下降、宜守不宜攻
寒命人(生於秋冬天)︰有轉工機會、新嘗試

加埋今年有「龍德」、「紫微」,得有力貴人扶助,所以轉好嘅機會就比較快,所以今年如果想轉工或者新嘅搞作都可以起步嘗試。


屬狗(生於1946年、1958年、1970年、1982年、1994年、2006年、2018年)

吉星:冇
凶星:華蓋、天雄、飛廉、大煞、白虎
財運:排第7位
桃花:排第6位

今年一定好過2021年,因為2021年太歲相刑,是非特別多、腸胃比較差。今年叫做「太歲暗合」︰有遠方貴人扶助,有暗中貴人扶助可能係老闆唔睇你,但老闆嘅老闆睇你,暗中輔助你,人緣好少少,又有暗中貴人都係唔錯的。雖然今年一粒吉星都冇,但係太歲暗合都係加分的。

凶星「華蓋」︰心情覺得孤獨唔開朗
今年人緣唔錯,覺得孤獨嘅時候就約朋友去街、請下人哋食飯都冇乜所謂。

而運氣就會兩極化,
平命熱命人(生於春夏天)︰如果你喺3月6日之後8月8之前,始終平命熱命人嚟到2022之後運程逐步向下;
寒命人(生於秋冬天)︰運氣日增月盛,2025、2026、2027年收成期,2022、2023、2024年係嘗試起步嘅時候,如果打工嘅話可以轉工,亦可嘗試做生意,不過順利收成期就要等幾年之後嘅 2025、2026、2027年喇。

(影片及資料提供:蘇民峰師傅)

【INFO】
蘇民峰 2022 虎年運程
售價:72 港元

銷售地點:各大商務印書館、三聯書店、中華書局、便利店 、書報攤及一本「萬里店中店」

同場加映:




立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠