全民造星4| 靚聲護士人妻Ash離奇被淘汰惹全場震驚 梁祖堯不接受賽果網民斥評判Foul錯人

2021.11.25

ViuTV選秀真人騷《全民造星IV》60強比賽來到中段,最新一集由A4組對戰B2組。A4組是許廷鏗精心打造的「跳舞組」,成員有子涓、超酸、芯駖、Win Win、So Ching、筠兒;而B2組就是由Ash、Liu哥、阿Mic、Ana、鐵鐵、WINKA組成的「唱歌組」。最後由A4組以實力出眾的舞蹈演出取勝,落敗B2組即時淘汰了人靚聲甜的Ash,惹來全場震驚。

第三回合再迎來了極端性的對戰,被節目組形容為「唔識唱歌組」的A4組對戰「唔識跳舞組」的B2組。B2組擅長唱歌,卻不黯舞蹈,在自選項目就以穩打穩紮的唱歌表演《相信一切是最好的安排》,大晒靚聲,靜態表演營造了更強的感染力,惟評判就略嫌各人的聲音未夠突出。

許廷鏗精心打造的A4組擅長舞蹈,卻不黯唱歌,在自選項目就以節拍、氣勢較強勁的《Lady Killa》作編排表演,獲讚相當有料,能夠突顯到每一位成員的個性的魅力,而且具備女團的姿態,評價較高。

接著,在Dance Battle環節中,位位唱將的B2組面對著位位舞林高手的A4組,就顯然輸蝕了不少。最後評判以4盞燈大比數揀選A4組勝出,基於節目賽制玩法,落敗的B2組需立即淘汰一人,不過卻出現首次同票情況,Ash和阿Mic同獲兩票,需要在兩人中再進行投票方能決定淘汰人選,最後Ash慘遭淘汰,即時「執包袱」離開。

對於人靚聲甜的護士人妻Ash離奇被淘汰,惹來全場震驚!B組導師梁祖堯更在節目中表示難以置信,不接受賽果:「我唔明,Ash係我最想留低,我由Casting已經最鍾意係佢,點解會咁」。不少網民睇完之後,都怒斥評判Foul錯人,洗版式表達不滿,狠批節目已經接連Foul走唱得之人。

 

圖及來源:節目截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 開關飛得!Share您嘅環球美食↓

↓ 立即入APP分享 帶嘴巴去旅行!↓

↓ 立即入APP分享 帶嘴巴去旅行!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章