臨近TVB頒獎禮，陳展鵬今年雖然僅得《逆天奇案》一部劇集出街，但其實近三年半來，陳展鵬一直密密拍，至今已經有6部劇集存貨等出街，足足140集成為明年劇霸，絕對有機會由明年年頭播到年尾，而且好大機會一晚見兩次。幸好今年的《逆天奇案》仍然稱霸2021年收視冠軍，令展鵬有力再爭視帝！
陳展鵬自從2018年結婚後，完成拍攝的劇集放在倉內大多不見天日，包括2019年5月拍畢的《鐵拳英雄》（前名：唐人街）、2020年9月拍畢的《超能使者》、今年4月拍畢的《黯夜守護者》、今年10月拍畢的《童時愛上你》、現正客串拍攝的《隱形戰隊》、以及上月開拍的《隱門》，都未有確實出街日子。
雖說逆市之中，各行各業都跌入冰封點，藝人都不例外。但陳展鵬早前有近三年時間都未有新劇在TVB推出，直至今年5月才有《逆天奇案》出街而人氣回升，劇集收視更成為今年暫時的最高紀錄，最高收視錄得30.2點，亦順理成章成為今年的視帝大熱之一，與鄭嘉穎、張振朗、譚俊彥齊齊爭獎。
雖然早前曾傳陳展鵬乘機獅子開大口，向TVB要求加人工而激嬲高層，不但被銳減戲份，而且在新劇《童時愛上你》執二攤做「男二」，陪襯資歷較淺的男一張振朗。這部新劇就拍完，但陳展鵬隨即再開新劇《隱門》擔正男一，拍住三大女主角黃智雯、湯洛雯、劉佩玥，繼續有男一做。
圖及來源：TVB
」，
App內睇文同睇片可隨時捕捉U Fun彩蛋，
換領現金券及禮品！
【U Lifestyle聖誕寵粉企劃🎄】12月大激賞！
↓勁送超過3000份獎品！簡單兩步免費參加↓
↓【聖誕寵粉企劃】送Regal Club酒店客房20間！↓
