洪永城與梁諾妍6.2磅囡囡Amber出世！IG上撰文報喜：「嘩，好似爸爸呀！」

【2021-12-23更新】

洪永城囡囡出世啦！洪永城今日在IG宣佈重6.2磅的囡囡Amber出世，在IG上撰文報喜：「大家好，我叫Amber，係人馬女，重6.2磅，想同大家打個招呼，我在荃灣港安出世，我一出世，姐姐同叔叔就話「嘩，好似爸爸呀！」跟住我望望爸爸媽媽，我有唔開心，因為我想似媽媽多少少，媽媽好靚。我知道媽媽痛了十四小時，催生了兩次，都開唔到宮頸，但係佢堅持到最後一刻，我聽到佢每2分鐘就痛一次，我仲聽到爸爸話隻手就斷，媽媽好偉大。多謝張智醫生哥哥、Ruby 姐姐同呢度所有的護士姐姐， 你哋好有愛，好照顧我，我會快高長大、孝順同好乖，會照顧媽媽，帶歡樂俾大家....哈哈，至於爸爸，我好肚餓，可唔可以快去搵奶粉錢呀。」

點擊圖片放大

_________________________________________

現年33歲的梁諾妍（Inez）一向是圈中的運動女神，在懷孕期間都有Keep住做運動、跑步、瑜伽等強健孕婦身體，加上基因得天獨厚，幾乎是肥肚不肥人，手腳仍然相當纖瘦，拍下的孕照更是唯美性感，其中一套真空上陣，上身僅穿上白色西裝褸掩蓋胸部，將迷人線條表露無遺。不過可能是短頭髮的關係，不少網民就笑稱Inez撞樣田蕊妮。

+14

+13

點擊圖片放大

洪永城與老婆梁諾妍於今年7月11日舉行婚禮，一對新人接受傳媒訪問時正式宣佈要做準爸爸媽媽。小登科的洪永城就透露：「希望將來做到個好爸爸，差唔多啱啱有咗四個月左右啦。」老婆梁諾妍Inez更話：「2月求婚後，其實3月4月（造人）都快，試咗都兩個月，我哋都冇諗住咁快」，當被問到是否一擊即中，Tony就表示：「我諗六、七擊啩」，大爆「想做爸爸好耐」，認真雙喜臨門。

+14

+13

點擊圖片放大

圖及來源：IG@Inez