《全民造星4》昨晚舉行決賽，選出三甲直入女團，賽前大熱Marf、Gao及Day成功奪得造星4女團成員的3個席位。而早前經理人Wing就透露女團人數將會是10名以內，目前暫考慮組成8人女團，亦曝光自己對女團人選的想法，一齊睇睇以下8位網民的心水參賽者，唔知有幾多位能夠跑出成為MIRROR師妹呢？
《全民造星4》昨晚(25日)聖誕節進行決賽，在20強中選出3名終極人選直入女團，總決賽的計分方式以評判團評分和觀眾投票各佔50%。Marf憑滿分無懸念奪冠，而有「Lokwoman」之稱的Gao就逆襲登上第二位，季軍則由大熱選手Day獲得。
造星4女團經理人戴穎(Wing)日前出席記者會時提及未來女團，阿Wing指女團目前無論在團名、人數及人選上都未有定奪，不過自己的心水女團是10人以內，人選方面則希望可以有不同配搭，同類型選手不會全部放進女團，優先考慮20強的選手，亦會考慮早前被淘汰的人氣參賽者。Wing在另一訪問指將會在決賽後舉行「高峰會」，與台前幕後的工作人員討論，齊齊決定女團名單，Wing更笑稱「連魯生也沒有最終決定權」。
昨晚騷後Wing就透露花姐早前夢到女團將有8位成員，所以會考慮組成8人女團，而女團亦已落實於明年1月12日出道。除了已直入女團的Marf、Gao及Day外，網民亦有不少心水選擇，一齊睇睇網民意見，究竟誰是大家的理想女團成員？
1. Marf 邱彥筒 (冠軍直入)
19歲的Marf唱跳俱佳，憑著獨有台風，在比賽初段已斬獲不少人氣。Marf在節目中的穩定表現亦獲一眾評判賞識，網民更謂「有Marf的表演一定冇得輸」！決賽中就以原創歌曲應戰，繼續展露穩定唱跳實力及獨有台風，成功以滿分姿態殺入女團。
2. Gao 沈貞巧 (亞軍直入)
Gao在96強淘汰賽中以一段Locking表演獲得導師歡心，更曾被花姐點名讚跳舞時似隊長Lokman，初登場就被封「Lokwoman」，Wing亦在節目中表示她是團隊的定心針，實屬隊長人選。Gao在總決賽以個人表演再次展露魅力，表現突出，最後以37分奪亞軍直入女團。
3. Day 許軼 (季軍直入)
Day在初登場時已展露出女團的氣場神態，唱跳實力平均，表情控制到位。比賽過程中Day亦嘗試了不同風格，無論是青春可愛風，抑或成熟性感路線都能駕馭，可塑性極高。決賽中亦憑穩定表演及高人氣，成功奪下季軍之位。
4. Ash 鍾卓穎
Ash的甜美聲線在初選時已被讚天籟之音，惟60強比賽中離奇被淘汰，惹來網民不滿。雖然在比賽早段已被淘汰，但Ash人氣十分高，Instagram粉絲亦是眾多參賽者中的頭幾位，最近更出演MC張天賦的新歌MV女主角，不少網民都希望她可以繼續留在幕前發展。
5. So Ching 蘇芷晴
So Ching初賽以長櫈舞成功晉級，身為跳舞老師的她，舞蹈實力無庸置疑，充滿自信的笑容亦吸引不少觀眾目光。So Ching在《造星4》中首次嘗試唱歌，聲線驚艷導師及評判，被讚有潛質，是網民的女團成員人選之一。
6. Ivy So 蘇雅琳
Ivy So笑容甜美，形象充滿活力，早在初選已深得幕後人員的喜愛，亦是網民公認的門面擔當。雖然被指「靠樣晉級」，不過Ivy So不甘做花瓶，一直努力練習，更為了比賽而毅然放棄學業，成功殺入20強。
7. Sica 何洛瑤
Sica初賽憑獨特日系風格晉級，二次元性格成功在網民心中留下深刻印象。30強晉級賽挑戰性感女郎look亦然能輕鬆駕馭，表演中意外仆落樓梯仍能處變不驚，執生能力獲花姐大讚。Sica雖然未能躋身20強，但卻是首位擁有應援巴士的參賽者，可見其人氣之高，再加上搞鬼性格，絕對是女團的另類擔當。
8. 阿妹 黃敏蕎
阿妹可說是《造星4》中的最大遺珠，年僅17歲，身高170cm，絕對是女團的最佳人選。雖然在96強淘汰賽中被foul，但討論度仍然十分高，更與Ash、Sica被選為網民最想復活三甲。
」，
App內睇文同睇片可隨時捕捉U Fun彩蛋，
換領現金券及禮品！
【U Lifestyle聖誕寵粉企劃🎄】12月大激賞！
↓勁送超過3000份獎品！簡單兩步免費參加↓
↓【限時搶】am.pm聖誕甜蜜梳乎套餐！↓
↓ 口感輕盈鬆軟且香甜！ / 每一啖都可以感受到五種層次！ ↓
