對於現居於公屋的朋友（或合資格公屋申請人）嚟講，如果想置業上車，最划算嘅方法應該係申請綠置居，因為大約以市價41折出售，難怪之前現居於元朗公屋嘅Mirror成員Jeremy，都參加抽樓！而新一期「綠置居2022」將於明年下半年推出，由於可以做到9成半按揭，所以如果抽到售價最平嘅單位，預計大約畀4萬元首期已經可以上車！即刻做定功課，睇吓3大屋苑邊個最正啦！
＜綠置居2022＞
接受申請：2022年下半年
攪珠：2022年第4季
揀樓：2022年底至2023年初
1. 唯一市區盤！油塘高宏苑
屋苑資料
油塘高宏苑
地址：茶果嶺道及欣榮街交界
座數：2座
單位數目：2,021個
單位實用面積：185呎至489呎
單位戶型：開放式至2房
售價：88萬至286萬
平均實用呎價：5,710元
預計入伙時間：2025年1月
1/3樓價享高層海景
雖然喺三個綠置居屋苑中，高宏苑嘅售價屬最貴，但比附近嘅私人屋苑，售價平超過一半！以鯉灣天下為例，呎價大約要$18,500！Ocean One平均呎價大約要$17,000！而且高宏苑地勢較高，又樓高達40多層，故高層單位有機會望到海景。
高宏苑的售價，大約只是現時油塘一帶私人樓的1/3。
高宏苑的高層單位，有機會睇到三家村及鯉魚門一帶嘅海景。
交通方便 油塘站直接過港島
今次三個綠置居屋苑中唯一市區盤，就是位於油塘的高宏苑，交通方面，徒步往油塘地鐵站約10分鐘，同時可以搭到觀塘線及將軍澳線，喺港島區返工都方便。而附近嘅油塘巴士總站，有巴士直達屯門、荃灣西及東涌等地。
徒步約10分鐘就到油塘地鐵站，可以直接搭將軍澳線過港島。
購物買餸選擇多
購物方面，油塘地鐵站上面有大型商場「大本型」，經濟一啲嘅生活雜貨，就可以去對面油美苑嘅「鯉魚門廣場」及「鯉魚門市場」「油塘中心」，往另一個方向步行約5分鐘，就可以到鯉魚門市政大廈及體育館。
油塘地鐵站上面有大型商場「大本型」shopping搵食選擇多。
地鐵站對面油美苑嘅「鯉魚門廣場」及「鯉魚門市場」，係比較平民化嘅購物買餸地點。
行約5分鐘可到鯉魚門市政大廈，有街市、圖書館及體育館。
鄰近海鮮街及打卡石礦場
由屋苑行約5分鐘，喺鯉魚門市政大廈對出，其實就係三家村避風塘，行出海邊就係三家村渡輪碼頭，可以搭船去西灣河及東龍島。旁邊就係鯉魚門海鮮街，海邊有步道可以睇日落，亦有少量彩繪壁畫可以拍照打卡，行到盡頭就係另一個打卡名勝鯉魚門石礦場，好多休閒去處。
屋苑鄰近三家村避風塘，可以喺三家村渡輪碼頭，搭船去西灣河及東龍島。
市政大廈旁邊就係鯉魚門海鮮街，海邊有步道可以睇日落，又有壁畫同鯉魚門石礦場，可以影相打卡。
2.入場費最低！馬鞍山錦柏苑
屋苑資料
馬鞍山錦柏苑
地址：馬鞍山恒泰路
座數：3座
單位數目：1,896個
單位實用面積：184呎至473呎
單位戶型：開放式至2房
售價：79萬至273萬
平均實用呎價：5,260元
預計入伙時間：2026年2月
細單位為主 鄰近恒安站
三個綠置居屋苑中，單位售價最低就係馬鞍山錦柏苑，售價由79萬起，由於可以做到95%按揭，故此約4 萬蚊就可以上車做業主。1,896個單位之中，大約有8%單位為184至185平方呎，約45%的單位為278至288平方呎，即係超過一半為300呎以下嘅細單位。
錦柏苑位於恒泰路，位於大水坑港鐵站及恒安站之間，而位置比較近後者，而最近嘅購物商場為We Go Mall，生活起居飲食購物，亦可以到附近嘅欣安邨。
屋苑位於大水坑港鐵站及恒安站之間，但比較近恒安站，大約步行約10分鐘。
暫時離屋苑最近嘅購物商場，就係We Go Mall。
附近嘅欣安邨，亦有超市及食肆。
3. 呎價最低！上水清濤苑
屋苑資料
上水清濤苑
地址：百和路
座數：1座
單位數目：776個
單位實用面積：277呎至449呎
單位戶型：開放式至2房
售價：117萬至229萬
平均實用呎價：4,690元
預計入伙時間：2024年10月
交通隔涉 近北區醫院
三個綠置居屋苑中，如果計單位呎價的話，售價最低就係上水清濤苑，呎價5,000蚊有找，但由於單位面積較錦柏苑大，故此整體售價會貴過後者。
清濤苑距離上水港鐵站較遠，徒步大約要15分鐘，或者可以到清河邨搭巴士去上水站，或直出九龍。較大型嘅商場，要數上水站嘅上水中心商場，生活所需可以光顧清河邨內的店舖。
清濤苑距離上水港鐵站較遠，徒步大約要15分鐘，可以到附近清河邨搭巴士前往。
屋苑鄰近北區醫院。
想搵超市或茶餐廳之類生活起居店舖，可以到鄰近嘅清河邨。
text/Joyce
photo/HKET圖片庫
同場加映：【蝸居睇樓團】情侶首置上車觀塘395呎簡約風主卧室連書房變套房
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
