商業電台舉辦的《叱咤樂壇流行榜頒獎典禮2021》引來全城矚目，賽果塵埃落定，但在林海峰頒發「我最喜愛的男歌手」時，就發生了一件小插曲，林海峰假動作式宣佈得獎者，將入圍五強的男歌手耍到暈一暈，更幾乎令Anson Lo發生「樂壇尷尬事之首：關家姐事件」的2.0，引起不少MIRROR和Anson Lo的粉絲討論。
事源於林海峰出場擔任頒獎嘉賓，在頒發「我最喜愛的男歌手」時，先逐一點名入圍最後五強的男歌手，先講完張敬軒，再逐個講MIRROR四子，指Ian可以先到「復活區」，再指Edan發生「連環不幸事件」，暗示失落獎項。
其後，林海峰就假動作宣佈得獎者，剩下未提及的兩強包括Anson Lo盧瀚霆和姜濤。林海峰話鋒猶如喪遊花園，兜來兜去，先道出一句恭喜Anson Lo，令旁邊MIRROR一眾兄弟簇擁祝賀，Anson Lo再回過神來，以為自己得獎而企了起身，不過林海峰相隔不足十秒再補充一句：「恭喜你今年咁忙」，Anson Lo知道並非自己得獎，於是再尷尬坐低；最後才公佈得獎者是姜濤。
林海峰這種假動作式宣佈得獎者，遊走於幻得幻失的頒獎方法就惹來熱議；不少網民、MIRROR和Anson Lo的粉絲就表示林海峰好似在戲弄MIRROR四子，而且幾乎令Anson Lo發生「關家姐事件（關心妍誤以為自己得獎而衝上台，而實情得獎的是同姓的關菊英）」的2.0，一度引起討論。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
