TVB《萬千星輝頒獎典禮2021》出爐「最佳女配角」陳自瑤（Yoyo），昨晚一直成為眾人焦點，加入TVB已經17年的Yoyo在台上講感言時，一度哽咽一路走來不容易，到最後開口講「多謝我的屋企人」，更強調是「所有屋企人」。事後，老公王浩信激罕發文祝賀老婆Yoyo得獎，令人聯想起Yoyo上年疑似黑面之事！
今年，「最佳女配角」由陳自瑤憑著《寶寶大過天》以頂頭大熱姿態勝出，贏得入行以來首個「最佳女配角」獎項。不少人都關心Yoyo會否在台上公開多謝老公王浩信，而Yoyo亦在發表得獎感言時壓軸道出「多謝我的屋企人，所有屋企人」，總算有間接提到老公。頒獎典禮過後，王浩信亦很快在IG限時動態上出PO，祝賀太太陳自瑤成為出爐女配角，激罕寫上一句：「Congrats」。
不少網民藉此聯想起Yoyo上年疑似黑面之事，王浩信於《萬千星輝頒獎典禮2020》第二度榮登視帝，在台上答謝老婆：「我要多謝我屋企人，多謝Yoyo，多謝你非常悉心照顧女兒」，不過鏡頭卻影到Yoyo當時一臉淡然，目無表情，茫然一眨眼，格外平靜，還被指疑似黑面，Yoyo更因此耐人尋味的表情而瞬間爆紅，話題度極速飆高。
意外爆紅的陳自瑤其後更在TVB配音節目《好聲好戲》愈戰愈勇，聲演能力出眾，大獲好評，更成功奪得節目冠軍殊榮，實力備受肯定！
Yoyo次後再參加另一真人騷比賽《識貨》，由起初因為表現差勁而壓力爆煲、自責到喊，一路披荊斬棘，憑著過人的銷售技巧和口才再奪節目冠軍殊榮，知名度大升。
陳自瑤接著再有幾部劇集鞏固人氣，在《寶寶大過天》、《把關者們》、《星空下的仁醫》都發揮出實力演技，表現大躍進，亦再度令觀眾刮目相看，留下深刻印象，最終挾著氣勢如虹的人氣勇奪「最佳女配角」，實至名歸。
圖及來源：IG@王浩信、陳自瑤、TVB
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】Smartech智能3D搖擺循環風扇！↓
↓ 夏日都可以有清爽感受！立即入App換領！ ↓
↓【限時搶連環賞】Cetaphil舒特膚透亮抗敏系列！↓
↓ 照顧哂您成個護膚程序！打造亮白光感肌！ ↓
評語