TVB最近一屆《萬千星輝頒獎典禮2021》由視帝視后分別由譚俊彥和林夏薇奪得，成了驚喜賽果，而鍾嘉欣視后大熱倒灶就再一次成為網民討論的話題。成為出爐視后的林夏薇，似乎就不太被網民接受賽果，紛紛到TVB的官方FB網頁上派「嬲嬲」，得獎片段上載不到一天就已經喪吸近3000嬲嬲，更引來不少負評；至於鍾嘉欣亦在失獎後剖白心情。
林夏薇憑《七公主》爆冷擊敗兩大熱門鍾嘉欣和李佳芯，在一片爭議聲中首登視后寶座，成為出爐「最佳女主角」，更帶挈《七公主》勇奪「最佳劇集」的殊榮。不過，賽果似乎與大部份網民的心水背道而馳，紛紛到在林夏薇的TVB官方得獎片段下留言，引來近3000嬲嬲，「點睇都係鍾嘉欣更勝一籌」、「挑戰觀眾底線？」、「根本冇可能唔係鍾嘉欣」、「全晚最大跌眼鏡」，討論聲音激烈。
事關這次是鍾嘉欣最接近視后獎項的一年，《星空下的仁醫》聲勢由頭帶到尾，但最後就敗給林夏薇。鍾嘉欣事後接受訪問，亦大方剖白失獎的心情：「一啲都冇失望，真係好感恩我可以參與呢個頒獎禮。今次之後我真係唔知幾時再返嚟，甚至都未必再上到呢個頒獎禮」，更坦言：「入行咁多年好清楚，其實我估到⋯⋯邊個拎獎真係冇所謂，同我以前細個參加頒獎禮時唔同，以前我好在乎獎項，做咗媽媽之後心臟好強大，所有嘢都安然咁接受，我睇化咗，可以Enjoy個show」 ，似乎心情未受影響。
圖及來源：TVB
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
