藝人兼瑜伽KOL林芊妤（Coffee）的3歲仔仔「翟伯伯」，日前因為上唇疑受病毒或細菌感染，導致上唇發炎腫脹，情況腫到好似鴨仔，令憂心忡忡的Coffee半夜帶住仔仔，入醫院睇急症求醫，甚至之後推掉所有會議和工作，以便在家中陪伴兒子。
林芊妤（Coffee）事後在IG寫下長文，記錄是次仔仔「翟伯伯」出世至今首次入醫院求診的經歷：「前兩日佢話上唇入面痛，我睇完又見唔到有啲乜嘢只係有少少紅，諗住佢係生飛滋熱氣」，但其後「瞓覺腫到不得了，仲有少少發燒」，於是「即刻抱住佢去醫院，驚佢食物敏感怕佢會抖唔到氣」，幸好「見完醫生話佢係病毒或者有細菌感染，應該本身嘴入面有傷口，然後佢覺得痛係咁用隻手指整個嘴仔」。
仔仔的感染情況未算太嚴重，但Coffee就笑言仔仔「依家變咗一隻鴨仔，完全唔認得佢，中咗面目全非拳」，於是需要推掉所有會議和工作，在家中陪著仔仔「睇電視放題」，「能醫百病又能止痛」咁話。
經過今次件事，Coffee仲體會到「好怕佢有咩事我唔知點算，即刻諗身體健康真係好緊要」，還透露自己因此而發惡夢，知道仔仔對她有多重要，更以一句警世：「未考慮清楚真係唔好生，因為真係好大責任」！
圖及來源：IG@coffee89921
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
