買樓上車，一向都係香港人嘅人生目標！但樓價有升無跌，點死慳死抵，都係儲唔夠錢上車……特首林鄭月娥啱啱就提出新建議，研究喺資助出售房屋（即係居屋及綠置居）引入「漸進式按揭」，開頭只需要畀半成首期以及樓價嘅一半做按揭，等香港人可以更易置上車！
好多人都想買樓上車，特首林鄭月娥就提出咗呢個「漸進式按揭」建議，希望大家更容易上車。
呢個「漸進式按揭」嘅「上車易」按揭建議，即係話買樓時以樓價嘅一半作基礎，支付首期同承造按揭，而另一半按揭，買家可以喺在成交後10年內，一次過或者漸進式分階段承造。
根據呢個建議，買樓時以樓價嘅一半作基礎，支付首期同承造按揭，上車嘅負擔細咗好多。
呢個計劃，只適用於居屋及綠置居呢啲資助出售房屋。
只適用於居屋及綠置居
即係話，如果樓價係600萬，咁開頭就以300萬為基礎，支付首期30萬首期，然後以270萬做按揭，10年後再以餘下嘅300萬再做按揭！
呢個做法嘅好處，當然係減低上車人士嘅負擔，尤其係居屋係清水樓，開頭都要一筆裝修費及雜費，呢個做法可以令置業初期嘅流動資金較為充裕。
居屋係清水樓，收樓後真係要花一筆可觀嘅裝修費，呢個計劃，就可以令置業開頭嘅負擔細好多。
同時喺置業嘅按揭，本金減少咗一半，跟住利息亦大為減少，頭十年就減輕咗一半月供負擔。
溫馨提示：10年後，每月還款額會大增！
雖然睇落好筍，不過都要溫馨提示：根據呢個新建議，買家要做好預算，十年之後，每月供款額就會增加唔少。
雖然置業初期負擔真係細咗，但餘下嘅按揭，10年再還，加埋頭10年未還晒嘅按揭，到時每月供款額就會大增。
text/Joyce
photo/HKET圖片庫
【蝸居睇樓團】土瓜灣260呎溫暖木白色單位 雙床和風特色閣樓
」，
App內睇文同睇片可隨時捕捉U Fun彩蛋，
換領現金券及禮品！
↓【免費送💓】Physiogel皇牌面膜套裝↓
↓ 轉季必備! 抗敏紓緩 x 修復保濕💧↓
↓ U Lifestyle App送飛！請您去《鬼滅之刃全集中展》！↓
↓ 獨特設計的七大展區！ /1比1打造的實體日輪刀！ ↓
評語