眨吓眼，仲有一個月就農曆新年喇！諗起要大掃除，真心好頭痛呀！不如搵搵專業嘅家務助理幫手，當中仲有連藝人、健身達人Coffee都幫襯過！不過呢個時候家務助理超搶手，而且愈接返新年，收費愈貴，要搵鐘點家務助理，真係要快啲行動！
1/樂活一站
幫你煮團年飯都得！
係由僱員再培訓局統籌，全港規模最大、經驗最豐富嘅一站式家居服務轉介平台。免費轉介僱員再培訓局相關課程畢業學員為僱主提供服務，以新年前的服務為例，若果想家務助理幫你大掃除，僱主要先預備清潔用品及用具，局方仲建議返，如果家居面積有300至600呎，最好僱用2至3名家務助理，大約需要4至5小時。
樂活一站提供嘅家務助理，全部都係僱員再培訓局相關課程畢業學員。
除咗家居清潔，新年服務仲可以請家務助理幫你買材料，從旁指導你蒸年糕或者蘿蔔糕，或者幫你煮團年飯呀！不過要預返最少提3個工作日預約。
如果想搵家務助理幫手煮團年飯，佢哋都幫到你手！
大掃除 收費參考（時薪）
港島及離島：1/1-24/1 $130，25/1-31/1 $150
九龍及新界：1/1-24/1 $120，25/1-31/1 $140
煮團年飯：$150
蒸糕：$100-$120
【info】
樂活一站
2/HelperGo
可以揀「星級幫手」
HelperGo係全港最多人用嘅家居服務平台，提供包括家務助理，鐘點，保姆，陪月員和護理員等服務，當你喺網站輸入申請之後，網站就會幫你配對到幾位適合嘅家務助理，仲會有埋以前用家嘅評語畀你考慮，或者可以加錢揀啲經驗比較豐富同評語比較好嘅「星級幫手」。
僱主可以加錢揀啲經驗比較豐富同評語比較好嘅「星級幫手」
清潔用品同工具，僱主要預備好，如果要家務助理代購的話要額外收費。
收費參考（時薪）
$175起，最少要4小時計
備註：
非鐵路沿線地區（如半山區及西貢等）附加費$30
代購掃把、地拖及桶，附加費$130
代購清潔用品附加費$240
【info】
HelperGo家務幫
3/Lazy
健身達人Coffee都幫襯
強調所有家務助理應徵時都需要親身面試，以及持有ERB證書或兩年以上，睇返用家評語，原來連藝人陳倩揚、前主播周嘉儀及名人健身教練Coffee都幫襯過！而大掃除服務係每次都會兩位家務助理一齊出動，再根據家居面積再建議所需時間。
呢個網站聘用家務助理應徵時都需要親身面試，以及持有ERB證書或兩年以上。
收費參考
1/1至14/1：每小時 $175起
15/1至23/1：每小時 $185起
24/1至5/2：每小時 $195起
備註：6點後的服務將會收取每小時$20額外費用
【info】
Lazy
4/HelloToby
新用家有優惠
HelloToby是全港最大嘅服務交流及生活平台，由日常需要家務助理上門幫忙清潔家居，到預約按摩店嘅服務都有，以大掃除服務為例，包括室內吸塵、掃地及拖地、冷氣機隔塵網、風扇、窗戶（室內）清潔；全屋抽氣扇及抽油煙機表面清洗；廚房內嘅煮食爐、雪櫃清潔；浴室嘅坐廁、浴缸、浴屏、洗手盆及鏡嘅清洗等。預約時將你嘅住宅面積及要求輸入，平台會為你提供建議的家務助理人數及時間。
大掃除嘅範圍，包括大家都頭痕嘅清潔抽油煙機。
其實若果家居面積唔算細，又想一次過完成大掃除，不妨考慮一次過book兩位家務助理同時打掃。
收費參考（時薪）
$153起（13/1前預約），視乎地區，需要家務助理人數及時間，新客戶可享$30起折扣，若預約2位家務助理同行亦有95折優惠
備註：
如服務地址距離地鐵站超過15分鐘步行距離，將會被收取$25-$225交通費。以下地區會額外再收取$25起交通費補貼：半山區、小西灣、石澳、薄扶林、鴨脷洲、赤柱、淺水灣、香港仔、深水灣、大坑、跑馬地、馬灣、大嶼山、東涌、坪洲、長洲、南丫島、大澳、愉景灣、沙頭角、打鼓嶺、西貢等地區
【info】
HelloToby
5/家居易
服務全面
家務助理的上門大掃除工作範圍，包括吸塵、抹塵、抹窗、抹廚房、清潔煮食爐及雪櫃、洗浴室及拖地等。
如果居住地區非地鐵沿線，需要加額外交通費。
收費參考
5/1至12/1：1人 3小時 $600，1人 4小時 $760
13/1至21/1：1人 3小時 $615，1人 4小時 $780
22/1至31/1：1人 3小時 $630，1人 4小時 $800
備註：
非港鐵沿線地區，須額外支付來回駁車費
半山及特定偏遠地區，須繳付額外服務費
【info】
家居易
text/Joyce
photo/HKET圖片庫
【蝸居睇樓團】土瓜灣260呎溫暖木白色單位 雙床和風特色閣樓
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
