富貴KOL雪姨（容可兒）除了以有錢見稱之外，去年開箱Chanel倒數月曆而中伏的影片更掀起不少話題，日前，雪姨就在其YouTube頻道上載了一條比較坊間一人盆菜質素的新影片，卻因為以平民茶餐廳與酒店同作比較，批評了基隆茶餐廳，因而引發核爆級公關災難，不僅要急急刪片兼發文道歉，而且有酒店馬上割席，事件至今似乎仍未撲熄網民怒火。
雪姨的YouTube頻道以「真人實測」影片分享為主，風格搞笑而不失抵死言辭，吸引了不少粉絲追捧。最近一條「一人盆菜」的試味評比影片就找來高級酒店Ritz-Carlton、帝京酒店和基隆茶餐廳的盆菜作試食，三份盆菜的價錢分別為688元（一人份）、788元（二人份）和128元（一人份），在價錢上顯然有分別。
雪姨先試酒店Ritz-Carlton的盆菜後讚口不絕，評為9分；其後再食深水埗基隆茶餐廳的盆菜，就直指賣相差啲、當中的蝦肉霉爛、髮菜少、而且講了一句「佢唔係將啲賣唔晒嘅擺落去啊大佬」，更表示質素相當普通，寧願食一個咖哩雞扒飯，最後評為2.5分。
雪姨評完基隆茶餐廳的盆菜後，隨即加插生髮水的廣告，結果被網民鬧爆非常突兀。不少網民洗版式留言指雪姨這次非常離地，首先比較茶餐廳和酒店，單看價錢已知相差大，故食物質素根本不能相提並論。
事件經發酵後，引發了核爆級公關災難，雪姨急急刪除影片兼在社交平台發文道歉：「想同大家講點解會將兩間酒店級迷你盆菜同一間茶餐廳級嘅迷你盆菜做比較，係因為我哋拍呢啲影片之前，Content同事同我講咗，出面好少地方有出迷你盆菜。」並隔日再發文向基隆茶餐廳道歉，表示已作出內部檢討，事件令她和團隊上了一課，日後會做好內容的把關：「希望以後大家能夠繼續鞭策我們，令我們可以謙卑地在YouTube的道路上學習及成長。」
至於基隆茶餐廳，昨日（23日）於Facebook專頁亦開腔回應事件，發文表示：「睇唔過眼有大口KOL詆毀本餐廳聲譽」、「真係無你講到咁難食」、「藐嘴藐舌詆毀我哋嘅一人盤菜」、「你要做生意唔係咁做既」、「我會考慮告你誹謗架」，火藥味濃，同時獲得大批網民留言支持。
而片中提及到的酒店Ritz-Carlton亦在Facebook發聲明與雪姨割席，表示「感謝閣下的意見及回饋。鑑於早前有網絡媒體對於酒店冬日盆菜之評價，本酒店並未有進行任何贊助。而有關短片內容，酒店亦沒有參與。香港麗思卡爾頓酒店重申，一直尊重不同行業的發展，有望香港飲食業能百花齊放，在疫情下同舟共濟。」事件至今似乎仍未撲熄網民怒火。
圖及來源：YouTube@雪姨、FB@基隆茶餐廳、Ritz-Carlton
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓ 【🎁送】Aurabeat AG+銀離子抗病毒納米濾網🌟！↓
↓濾網有2層過濾💪10分鐘內殺滅99.9%病毒及細菌🦠↓
