IT狗|Frankie陳瑞輝負能量喜感爆發搣甩MIRROR隱形人 現實與女友拍拖13年堂妹原來是咪神陳偉琪

2022.02.02

ViuTV劇集《IT狗》播出以來口碑甚好,擔演要角之一的MIRROR成員Frankie(陳瑞輝)的表現亦備受關注。Frankie在劇中飾演IT人「Never」一角,是一名程式編寫員,性格經常放負,同時爆出不少暗黑搞笑的金句,負能量的喜劇感爆發,令不少觀眾眼前一亮。現實中的Frankie雖然是男團MIRROR的成員,但就曾遭花姐狠批隱形人、欠缺定位,如今終於讓觀眾發掘到Frnakie演戲的一面。

現年33歲的Frankie(陳瑞輝)是MIRROR團中年紀最大的成員,雖然未獲單飛出道的機會,但就一直憑著零死角的靚仔樣而被稱為MIRROR的門面擔當。早在去年的《調教你MIRROR》裡,Frankie就被花姐批評其沉默寡言的性格像是一位隱形人,更直言:「完全睇唔到呢個人」。

而Frankie亦直認:「花姐覺得我成日唔講嘢」、「好多時候都有話說不出,其實我係知道好多嘢,只不過係我冇講出嚟,但係我唔講,人哋就唔會知」。Frankie透露心聲表示「對自己在團內的定位,連自己都睇唔好自己」。花姐還直指Frankie是一個優柔寡斷、懶散的人「學啲唔學啲」,如今在《IT狗》裡終獲亮眼演出,花姐都有加以讚賞。

回顧Frankie在《全民造星》第一季參加比賽的時期,身為一名舞蹈員的Frankie就話:「都想試吓企喺前面」;花姐亦講起當初簽Frankie入MIRROR的緣由,因為另一位經理人寶姐誇讚Frankie非常靚仔,但花姐就因為他的低調存在感而未察覺到,直至看到有Frankie的鏡頭,就話「都OK靚仔嘅,咁簽啦」。

外表帥氣的Frankie私下就有一名任職舞蹈員的圈外女友Hei,兩人拍拖至今第14個年頭,非常長情。

值得一提的是,Frankie擁有一名同為圈中藝人的堂妹,就是曾在《愛·回家之開心速遞》飾演「細龍太」的13年落選港姐陳偉琪(Vicky),有著咪神之稱號,2021年​​已經與TVB完約,約滿離巢回復自由身。

 

圖及來源:劇集截圖、節目截圖、IG@Frankie、陳偉琪



用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【U Lifestyle App聖誕周年慶】DayDay送大禮!↓

↓勁送機票/電話/遊戲機等巨獎!↓

↓勁送機票/電話/遊戲機等巨獎!↓

↓「U Lifestyle App限時搶」↓

↓逢星期三3PM入App搶!↓

↓逢星期三3PM入App搶!↓

評語