現年37歲的藝人張致恒，自2019年與圈外女友雯雯閃婚後，兩年半婚姻以來經歷大小風浪。上月27日雯雯就在IG感性發日落照宣布離婚，兩年半婚姻玩完；不過事隔3日，張致恒就在IG上宣布箍煲成功，二人更在大年初一IG上分享大曬全家福照，相信張致恒已經成功氹番老婆。而今日（5日），雯雯就在IG上宣布第三胎BB已經出世，並貼上新生BB的大頭相。
雯雯今日（5日）在IG社交平台上宣布第三胎BB已經出世，並貼上新生BB的大頭相。但由於BB比預產期提早了一個月，因而BB需要入ICU睡在保溫箱插胃喉，雯雯感慨寫下長文，又有不少網民留言為BB送上祝福。
雯雯長文如下：
「簡單一句說話
最近係我身上變得一啲都唔容易
《身體健康，係身邊已足夠》。
提早一個月見面
但只係見了一秒
就要分開
呢段日子
的確過得唔容易
每日望住你係ICU咁細個就要插胃喉
一直堅持相信會有奇蹟
終於等到好消息
你快可以回家了
你要加油
珍惜，生活上每一個細節，好多嘢不是理所當然，好好享受擁有嘅每一秒。」
______________________________________________
2月2日更新
藝人張致恒（Steven）與老婆雯雯昨日大年初一（2日），分別在IG上分享大曬全家福照，與兩名兒子以及愛犬穿上一身賀年服飾，並在帖文中寫下「張氏一家祝大家新年快樂身體健康」。而今日雯雯亦在IG突發開直播，承認自己已經懷孕已達一半孕期（約5個月左右），不過就未有透露胎兒性別，相信第5位家庭成員就是即將來到這世上的小寶寶！
其實雯雯早前也在限時動態上載一家四口的照片，並寫上：「擔心我的朋友們，原諒我冇逐一覆你哋，我還好，的確曾經想放棄，但既然選擇得呢段婚姻、選擇得帶小朋友嚟呢個世界，或者我係應該有責任再努力一次、再堅持一次。我相信我哋兩個再一次上咗一課，亦會從成長中學習包容、體諒、愛惜。我哋一家五口定會變得更加強大，冇咁輕易畀任何嘢打沉，更加努力去生存，每日都係笑住去行前面嘅路。」相信經過張致恒認錯和溝通後已經成功氹番老婆雯雯。
______________________________________________
1月30日更新
張致恒今日在IG上發文，疑似箍煲成功，表示同老婆雯雯溝通決定不離婚，更暗示雯雯懷第三胎：「人嘅一生中總會犯唔同嘅錯，感情事、工作事、家庭事、友情事，但係最重要係犯錯過後點樣去反省改過繼續行前面嘅路，多謝老婆係呢兩年幾嘅日子包容我犯嘅錯，經過呢幾日同老婆嘅溝通，我哋決定繼續一齊行前面嘅路，兩夫妻有好多嘢要學習，仲有好長好長嘅路要大家一齊學習，一家五口好好咁樣愛下去！」
1月27日，雯雯在IG限時動態貼上日落照，寫上：「分開不代表完結，只是讓大家過更好的。今天，我們正式離婚了，我也真心祝福你能夠幸福。」張致恒與雯雯自2019年結婚後育有兩子，上年雯雯曾心力交瘁地表示獨力照顧兩子，惹來離婚揣測，今正式宣布離婚，而張致恒暫未公開表態。
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
