新冠疫情肆虐，不少人都會把2003年的「沙士」相提並論，皆是香港公共衛生議題上的重大事件。日前，TVB《聲夢傳奇》學員冼靖峰（Archie）就在網上音樂直播時，與其餘學員講到各自的出生年份時，就一度失言，講到「03年即係沙士死剩種呀」，雖然Archie即時補鑊稱講笑，但事後引起軒然大波，遭不少網民圍剿，惹來大批負評。
日前，TVB旗下音樂廠牌「愛爆音樂」為《聲夢》學員舉行網上音樂直播，4位學員包括冼靖峰（Archie）、Windy、Lolita、Felix就談起了眾人的年紀，Felix問道：「你係咪00後呀？Archie答道：「差兩年，我98。」Felix再講自己與Lolita都是03年出生，而Archie就突然爆出一句：「03即係咩？即係沙士死剩種呀，係咪呀？」其他三位聽畢頓時「打咗個突」，Archie亦秒速笑住「補鑊」連講四次「講笑」，不少網民睇完都相當震怒。
香港疫情乃嚴肅不過的社會議題，不論是2003年的「SARS」或2019年至今的「COVID-19」亦然。早有TVB藝人陸浩明（6號）曾在主持《#後生仔傾吓偈》時因一句「香港係沙士病毒嘅源頭」的失實陳述而引起極大迴響，最終需就「講錯嘢」而含淚致歉。作為新人的《聲夢》學員冼靖峰這次失言，就再度遭不少網民鬧爆「亂噏」，事件持續發酵中。
其後，Archie於27日晚的直播上開聲道歉：「想講聲對唔住，因為上一個live就講咗啲唔應該講嘅說話，因為其實我哋學員之前有時講嘢私下有啲over有啲誇張。有啲嘢唔應該講就唔應該講，所以好對唔住，真係講咗一啲唔應該講嘅說話，知道自己唔夠成熟，以後會更加成熟」。事隔幾日，Archie在IG上撰文道歉，指自己「收到父母及公司嚴厲訓斥」，「會好好汲取教訓，在成長路上不斷修正自己」。
圖及來源：節目截圖、IG@冼靖峰
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
