近年勁多高質新屋苑入伙的將軍澳區，是不少人買樓的目標區域，不過究竟將軍澳是否好住呢？近日就有網民在連登討論區中開出話題：「其實仲有無人覺得tko好？」，結果引來網民熱烈回應，當中有網民就話：「將軍澳濕氣好重，唔開抽濕機成間屋變水塘」﹗
將軍澳濕氣特重
此帖一出，即引來網民熱烈討論，不過似乎大家都發掘到將軍澳不少缺點！其中一個就是濕氣重！
「將軍澳濕氣好重，唔開抽濕機成間屋變水塘」、「將軍澳濕到pk！夏天特別熱過人，全港公認，其他唔知」、「唔係想串你 事實元朗真係乾爽好多」。
不少將軍澳居民都說區內濕氣特別重，夏天特別熱。
地鐵壞咗好大鑊
交通問題是另一個備受關注的問題。
「地鐵一收皮，你唔洗離開tko，如果要封區，Tko成效一定最好，俾千幾萬買康城班傻Ｘ、有九龍唔買」、「久唔久就見tko大塞車post」，但亦有網民辯護，「唔係咁講，人地10分鐘出港島嫁！」、「咁先好，鍾意遲到又得，俾人困住返唔到工又得，大條道理」
區內居民認為將軍澳區交通過份依賴地鐵，萬一地鐵有故障就很麻煩。
2018年時就試過地鐵訊號故障，令到將軍澳區內巴士大排長龍，將軍澳隧道大塞車。
但亦有網民指將軍澳搭地鐵去港島只需10分鐘，其實係優點。
將軍澳「另類優點」
亦有網民好幽默地「發掘」出將軍澳的「另類優點」。
「住康城有度地方好過哂出面，就係掉垃圾方便好多，隔離就係堆填區」、「住將南死咗行2步就到火葬場，好方便」
有網民好幽默地表示，將軍澳有垃圾堆填區，掉垃圾好方便。
其實將軍澳係屬於九龍定新界？﹗
有網民比較全面地講出將軍澳的優缺點：「九東黎講係首選、樓夠新、多大型屋苑、有鐵路、有海睇下、之後開關都無沙田上水東涌咁多大陸客衝入黎、係住既人多都到痴線、純住宅區、返工一定出九龍/過海、消費偏貴、太依賴鐵路」
有網民認為將軍澳大多型屋苑、有海景又有鐵路，屬純住宅區少遊客，其實相當不錯。
不過此帖一出，又引來另一個可能很多人都無研究過的問題：「新界當自己九龍」、「其實tko 係九龍定新界？」
究竟將軍澳是屬於九龍定新界？根據立法會地方選舉分區中，將軍澳屬新界東南選區入面的西貢區。
text/Joyce
photo/HKET圖片庫
========
同場加映：
【蝸居睇樓團】師傅教路！2022 虎年風水佈局 三煞位動土招大病+切忌倒轉「福」字+大門向北擺藍地氈
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
