搵人夾份租屋住 預繳租金防走佬

2022.02.05

香港嘅屋租貴,想搬出嚟住,最好都係搵個伴同住兼share屋租,不過如果問勻身邊好友,無人有搬出嚟嘅打算,又可以去邊度搵同屋伴呢?喺連登討論區,竟然有人提議去TG Group搵喎!


同陌生人夾住可能仲好過熟朋友
在連登討論區,有網友提出「如果想搵人夾租,去邊度搵好」,希望「每人夾$6,000-$7,000,租兩房,想有風格嘅樓,會唔會好難搵?」

對於搵陌生人夾租,有網民分享心得,說可以在自己從業行業的TG Group找﹗「我係join咗個自己行業嘅tg吹水 group,識咗個當時都係獨居劏房嘅friend,約埋完死約後一齊睇樓夾租,大家都係同行又同聲同氣,知大家工作穩定,而本身又唔係咁close,所以各自修行,相處愉快。」

有網友表示試過在自己從業行業的TG Group找租屋伴,結果相處愉快!

亦有女網友指搵陌生人來夾租,可能比跟熟朋友住更好。「我反而覺得搵啲識太耐、太熟嘅人夾租,大家會容易無boundary影響生活同感情。兩個當宿舍咁住,協議好可以帶人屈蛇,有返啲距離就幾好。」

有女網友甚至認為跟太熟的朋友同住,反而容易影響感情。

有潔癖要降低期望
但原來對於同屋嘅嗜好,樓主都有要求:「我想搵番同我都有啲潔癖同強迫症既人夾租,同鍾意貓貓,巴打、男女都無所謂 最好唔好係黐線﹗搵夾租會唔會難過係交友app match人?!」

有網民好語重心長咁分享:「同人同住一定要降低自己要求同埋妥協㗎啦,兩個潔癖住埋一齊,磨擦不斷升級嘅機會唔細,始終好難忍住唔吹毛求疵!想要正常人就唔可以搵潔癖,想搵潔癖就唔好期望係個正常相處到嘅人!」

如果有養寵物的話,最好找志同道同的同屋,有話題之餘又較易互相遷就。

如果自問有潔癖,要同人合租,往往要降低期望,否則會易有磨擦。

夾租人預繳租金防走佬
樓主除咗擔心同陌生人同住,性格同嗜好未必夾之外,其實最擔心嘅係「點樣唔會租租下,夾租果個走X左?」網民就建議:「叫佢一次過交半年/一年租」

如果擔心夾租人會中途走路,可以請他先預繳半年至一年租金。

text/Joyce
photo/HKET圖片庫

========

同場加映:

同場加映【蝸居睇樓團】2022虎年風水佈局 買NFT靠催旺正南位、脫單要擺音樂盒

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章