各位單身人士，如果有得畀你揀，你會想一個人住一個二百呎嘅單位？定還是四個人一齊住喺一個八百呎嘅單位呢？呢個話題喺連登討論區引嚟咗熱烈討論，有網民提出「三十歲前會揀同屋企人住，三十歲後會揀自己住」，你又會點揀呢？
同家人住賺公共空間
支持四個人住八百呎單位嘅網民，着眼點在於屋企嘅公共空間大啲：「八百呎正常都有起碼三房／三房半，兩廁有梗廚，其實基本上大家都有自己私人空間，個廳又大好多，我會揀四個人八百呎」。
但跟住有網民就提出同家人住，就要考慮相處問題。「屋企人做唔做家務、會唔會霸厠所、會唔會幫手叫外賣煮飯fill雪櫃，呢啲都係考慮因素」、「要睇屋企人好唔好，係唔係有人幫手煮飯做家務，會唔會成日有交嗌，好嘅就一齊住，唔好嘅就分開住」、「夾到嘅就叫真情，夾唔到就叫慘情」。
如果同家人同住一個800呎單位，客飯廳等公共空間會闊落啲！
但同家人同住，就要考慮佢哋會唔會分擔做家務，以及其他生活細節。
亦有心水清網民，用日常生活雜費嘅角度去考慮：「三個人住700呎最好，分開住，交管理費咩費咩費都兩份」，「你鍾意4人聯名一間大屋定獨自單人名一間細屋？你鍾意銀行戶口4人聯名定單人戶口？諗下就會明」。
點樣揀，同年紀有關？！
有人就覺得一個人住會好啲：「一定自己住，人愈大同屋企人想保持良好關係最好嘅方法，就係保持距離」。
亦有網民認為同年齡有關，「三十歲前會揀同屋企人住，三十歲後會揀自己住」，但又有網民嘅諗法啱啱相反，「我相反，30前會想自己住，自由啲；30後想有家人支持下自己」。
有網民會揀30歲前自己住，30歲後同家人住。
亦有網民認為，唔同家人同住，反而係同家人保持良好關係嘅最佳方法。
不過終極最勁嘅選擇，當然係「小朋友才選擇，一個人住曬1,000呎」！
同場加映【蝸居睇樓團】2022虎年風水佈局 買NFT靠催旺正南位、脫單要擺音樂盒
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
