12年港姐冠軍張名雅宣佈離巢TVB:以後可以做自己鍾意做嘅野 三度選美攞齊冠亞季軍當年贏朱千雪

2022.02.07

2012年港姐冠軍張名雅正式宣佈離巢TVB,入行十年的她在IG上分享約滿消息,表示「以後可以做自己鍾意做嘅野」。現年34歲的張名雅,入行前後曾三度選美,更攞齊冠亞季軍,非常威水,加入TVB以來一直都有參與劇集演出,但星途和知名度就跑輸同屆亞季和季軍黃心穎和朱千雪。

張名雅在IG上宣佈離巢消息,寫道:「眨吓眼,快十年了,入行的經過還歷歷在目。當時有個心態唸著試下啦,反正都大學畢業,亦從加拿大回港了。如果唔試就以後都唔會做呢件事㗎啦!於是媽咪提名我參選香港小姐。如果遲D生多個女,我就可以將我手上嘅冠亞季后冠都送比佢(香港小姐冠軍,溫哥華華裔小姐亞軍,國際中華小姐季軍)我是否選美達人?不,只是想做就做!以後可以做自己鍾意做嘅野,繼續同大家分享,見面。希望不久嘅將來有好消息同大家講。最後要多謝公司上下幫過我嘅你地!兄弟姐妹,江湖見」。

現年34歲的張名雅為2012年香港小姐冠軍,當年無綫宣稱「一人一票」選香港姐三甲,但決賽當晚因系統出現故障而改由評判選出三甲,而被視為賽前大熱的朱千雪最後屈居季軍,令部分觀眾覺得賽果不算實至名歸。張名雅奪冠後參與了不少劇集演出,在《鬼同你OT》的表現獲得讚賞,不過至今仍未有擔正演出的作品,手上亦已無劇集存貨。她在2016年下嫁圈外男友,現時已為兩子之母。


圖及來源:IG@張名雅



用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章