近十幾年，唔少香港嘅舊區都經歷咗翻天覆地嘅改變，好似觀塘裕民坊嘅重建計劃，就令整個觀塘區面貌大翻新。而原來市區重建局早前完成咗「油旺重建規劃研究報告」，建議重新規劃發展旺角至油麻地一帶，而其中一個重點及預計會率先執行嘅項目，就係將現時佐敦道嘅「八文樓」，重建發展成甲級寫字樓、酒店及住宅等。
佐敦八文樓重建 住宅單位倍增
佐敦道渡船角嘅「八文樓」又稱「文華新村」，樓齡已有約60年，由於8幢樓均以「文」字起首命名，故又稱「八文樓」。
根據市建局嘅「油旺重建規劃研究報告」，建議將「八文樓」及附近適合地皮，例如文昌街公園，納入「西九龍門戶綜合發展」，建議該處可發展為甲級寫字樓、零售商業、酒店、文化藝術及住宅等混合用途。地盤面積由1.5公頃，大增至約5公頃，住宅單位總數，由目前約三千二百多個，大增至約6,500個，規模可以媲美觀塘裕民坊重建計劃。
佐敦道渡船角嘅8幢樓均以「文」字起首命名，故又稱「八文樓」，樓齡已有約60年。
估計呢個重建計劃嘅規模，可以媲美觀塘裕民坊。
至於睇中重建「八文樓」，相信係由於呢度位置優越，步程10分鐘內，已經可以到達佐敦站、九龍機鐵站及高鐵西九龍總站。現在附近的樓盤，好似「THE AUSTIN」同「御金．國峰」，現時平均呎價都喺20,000元以上，估計重建後嘅住宅，都會走豪宅路線。
佐敦八文樓一帶的優勢，係徒步可到多個主要鐵路站。
現時佐敦附近新建嘅樓盤，平均呎價都達20,000元以上。
果欄、旺角街市俱成重建目標
今次市建局嘅「油旺重建規劃研究報告」，提出咗5個「發展節點」，除咗「八文樓」，其他4個重點重建地區，分別係水渠道、亞皆老街、旺角街市及果欄。雖然未有具體嘅發展細節，不過有關心基層生活嘅團體就擔心，呢個地區好似基層家庭同劏房戶，舊樓重建之後，樓價應該大升，遠超過基層家庭嘅負擔能力，變相加劇香港房屋問題。
油麻地嘅果欄、水渠道、亞皆老街同旺角街市，都係研究報告入面嘅重點發展地方。
text/Joyce
photo/HKET圖片庫
==================================
同場加映 【家居達人】吸梳打粉解決臭味！？清洗吸塵機5大貼士
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
