樓價跌想買樓上車 單幢新樓好?定高樓齡屋苑好?

2022.02.13

呢排樓價跌,好多有買樓意慾嘅人都蠢蠢欲動,但如果樓價相若,買單幢新樓好?定買樓齡高少少嘅大型屋苑呢?有網民就喺連登討論區詢問網友意見,網友由實用面積到日後換樓嘅問題都有分析呀!

相信類似疑問,好多想買樓嘅朋友都苦惱過,今次發帖嘅樓主,預算樓價約600萬,呎數預280-340呎,一房都可以,地區希望係九龍或新界東,同老婆預兩、三年後生一個小朋友,中短期未考慮移民,現在煩惱買10 年樓齡內的單幢樓,如長沙灣或奧柏·御峯等,或者好似沙田第一城或者淘大花園之類嘅舊藍籌屋苑。樓主認為新單幢樓嘅缺點,係流動性低同管理費維修費較高,但若果買舊屋苑,就要預一大筆裝修費,同時可能供完按揭,樓齡已經近70年!

樓主想喺九龍或者新界東,買間約600萬嘅樓,而家唔知揀新單幢樓好定舊屋苑好!

新屋苑日後轉手易啲
有支持買新屋苑嘅網民就回應:「新單幢住得開心啲,又有升值潛力,確實大型屋苑流通量大啲,但去到10/20年之後,邊個仲會買?好似太古城咁,樓價都一直上唔到去,你單幢10/20年都應該唔使大維修,價錢差唔多,一定係新單幢」、「同埋新嘅可以慳返裝修,其實貴少少都會揀新,新樓貴咗嘅錢都係做落按揭度,舊樓裝修要直接再拎一舊錢出嚟!」

有網民諗到日後換樓問題:「舊樓邊個會接?仲要勁多暗病,又一筆維修費!」

揀買新樓嘅網民,覺得新樓升值潛力高啲,亦會住得開心啲。

新樓可以慳返一大筆裝修費,亦係揀買新樓嘅原因。

舊屋苑空間夠實用
但亦有網民支持買舊屋苑,「你想住幾耐先?過幾年會換就舊屋苑for sure,新單幢有唔好處係發展商食哂溢價,你好難要佢減得多;舊屋苑多盤,議價空間大啲!如果講緊30年以上啲樓,係實用過新樓,管理費貴,你自己諗吓,如果你鐘意新野同會所,咁就買新!」、「舊好啲,實用啲+管理費平啲,新樓得個靚字,用料未必比舊嘅老牌屋苑好,20年後隨時老化得仲快!」、「我自己就唔介意大堂靚唔靚,一日都無一分鐘係個度,最緊要間屋夠大同實用!」、「新樓4百呎可以間唔到2間房,舊樓3百呎居然得!」

日後換樓問題,網民都有考慮。「屋苑啦,換屋都易啲!」雖然有人回應:「但供完都6、70樓齡,好似好難換」,但亦有網民好實際咁話:「過幾年唔夠住就話換,幾十年後咩環境無人知,諗咁遠做乜?」「你單幢果啲依家咪一樣難換樓,幾十年後咪仲難換!」、「如果住過世嘅咁一定係新樓啦!但你如果三到五年就再換樓嘅話,舊屋苑放售會好少少,同埋管理費一定無咁貴,管理費個一年個分別,可以係一個月供樓嘅數!」

支持舊屋苑嘅網民,就覺得間屋夠實用,管理費平啲係好重要。

雖然買舊樓,可能開頭要花一大筆裝修費,但面積實用,隨時可以間多間房。

text/Joyce
photo/HKET圖片庫

========

同場加映

【蝸居睇樓團】杏花邨獨立屋feel複式單位 水泥牆樓梯間+鄉村風open kitchen+上下層佈局重整

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

ce7144393
ce7144393 樓市交易都仲咁活躍?我揾咗間訂造傢俬俾咗好多折扣,慳返唔少錢喎 ,揾呢間平霸傢俬比第間慳咗成2皮幾,仲要手工又夠正 www.facebook.com/cheapcheapfurniture
14/02/2022 16:52

相關文章