2016年香港小姐冠軍馮盈盈（FYY）自入行以來，火速入劇組拍劇上位，幾年間已攀上女主角之位，還有份擔任多個大騷和綜藝主持，一直備受TVB力捧，同時亦甚具話題度。不過，近日就有傳成年冇劇拍的馮盈盈被正式掟入雪櫃，被大量削減工作量，皆因觸犯了3宗罪激怒TVB高層，更有指TVB將轉捧另一港姐冠軍宋宛穎取而代之。
現年27歲的馮盈盈（FYY）自當選2016年港姐冠軍加入TVB後，憑著《#後生仔傾吓偈》的出位言論人氣急升，加入在處女劇《果欄中的江湖大嫂》表現突出，於2018年迅獲頒「飛躍進步女藝員」一獎，上位次快力證前途無可限量，惟近一年來FYY就已絕跡劇組，坐冷板凳坐足成年冇劇拍，情況相當奇怪。
有傳馮盈盈就因為觸犯了3宗罪而惹怒TVB高層，令FYY突然被雪藏，成為棄將。第一宗罪為地下情緋聞，有傳FYY曾將與男藝人鄭衍峰的地下情浮上水面試水溫，卻遭TVB極力反對；第二宗罪為踩入NFT市場，FYY去年就推出自家設計的水晶手鏈，並以虛擬貨幣「以太幣」作交易，但此舉在內地屬非法金融活動，疑似觸及了TVB的底線；第三宗罪為貼身助手問題，有指FYY一直有私下聘請貼身助手，而TVB曾力勸FYY辭去該貪小便宜的助手，惟雙方意見陷分歧。
與此同時，在近日宣布籌備中的《逆天奇案》續集裡，第一輯有份主演的馮盈盈就被飛出劇組，無緣拍攝續集，成為了原班人馬唯一冇得留低的一個。
「雪藏」一事禍不單行，有傳TVB眼見應屆港姐冠軍宋宛穎在主持表現方面與FYY有得揮，故有意轉捧僅22歲的宋宛穎取代FYY，令FYY慘成雪櫃棄將。
圖及來源：TVB、IG@馮盈盈
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
