公屋遇怪事尋解救方法 全家瞓晒點解樓下成日投訴嘈?!

文: U Magazine
2022.02.17

好多人都話住公屋,不時都會遇到啲不可思議嘅怪事,由走廊同門口出現怪符號,以至撲朔迷離嘅鬼故……不過最近就有屋邨居民喺連登討論區度分享咗自己一家遇到嘅怪事……就係半夜時份,明明全家都瞓晒,但就多次畀樓下住客上嚟拍門投訴製造噪音,仲投訴到去房署……究竟可以點解決呢?

出post嘅樓主家人住公屋,家人話樓下成日有人投訴佢哋嘈,話半夜成日聽到boomboom聲,但樓主屋企人半夜都係瞓晒覺,對方仲投訴話嘈咗好幾年,但其實樓主家人搬入呢個單位,唔夠兩年!前排對方仲試過帶埋房署職員上門,但連房署職員都唔耐煩對方,草草了事!

而樓主新年返屋企瞓咗一晚,點之凌晨五點就畀人係咁喺度敲玻璃同撳門鐘,大聲話樓主成家好嘈,但樓主肯定全晚所有人都熟睡緊!而當晚對方上嚟投訴時,都係大聲叫囂:「搬咗入嚟無好運行」、「你班魔鬼嚟」、「凌晨五點嘈嘈嘈」之類嘅發言。

樓主有諗過裝cctv之後攞證據,但查完房署條例發覺唔畀裝……樓主就請教網民,呢單嚴重滋擾屋企人休息嘅怪事,可以點處理?

半夜時份,樓主明明全家喺度瞓覺,卻經常畀樓下設訴佢哋發出噪音擾民。
啲噪音喺邊度嚟?
有冷靜網民提議:「聽落似白卡,裝Cam保障自己先!如果驚cctv太顯眼,裝智能防盜眼先,錄影著出面!」、「喺出面唔裝得cctv,裝喺入面,條友再半夜拍門,俾佢睇證明冇嘈!」

有網民就覺得啲噪音來自其他地方:「公屋好X傳聲,以為樓上嘈,隨時係上3、4層傳落嚟」,「如果你屋企無靈異嘢,一係對方白卡,一係可能其他樓層的聲音當成你哋」。

有網民覺得可能噪音係來自其他單位。

但有網民就覺得係人嘅問題多過噪音:「無㗎,你唔需要幫佢深究嘈音來源,因為佢無辦法瞓到覺,會好集中同專注自己聽到嘅聲,而因為失眠所以會將自己情緒發洩係佢『覺得』嘅源頭,更甚佢聽到既聲好有可能係佢幻想出嚟!對付呢啲人,一係叫佢食安眠藥,捉佢去睇醫生,或者直接無視佢,因為個問題係心理同精神上,同嘈音無關係!」

不過更多網民覺得問題唔係噪音,而係投訴者可能有精神問題。
攞菜刀上門同對方鬥癲?!
亦有網民提議,一於同對方鬥癲:「鬥癲!下次唔着衫拎菜刀夜晚去劈佢閘門,一路嗌『食唔食腸仔蛋』,佢發現自己張白卡唔夠你,就會收x!」、「樓下?震樓神器啦!等佢見識下!」、

不過似乎大家都未搵到好奏效嘅方法,有啲網民睇法仲幾悲觀:「可能係白卡婆,有精神分裂症,幻聽係其中一種病徵,樓主自己睇路,隔一兩年就有一單黐線佬覺得鄰居嘈斬傷/斬死人,最尾入小欖!」、「無用!一係佢走,一係你走!房署多數都會叫你搬走,見過有類似例子。」

有網民提議,不如攞菜刀去投訴者單位門口叫囂,令對方以後唔敢再投訴。

text/Joyce
photo/HKET圖片庫

========

同場加映

【蝸居睇樓團】杏花邨獨立屋feel複式單位+鄉村風open kitchen

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送PHYSIOGEL全新男士護膚系列】

↓ 為男士們全天候水分修復💧↓

↓ 為男士們全天候水分修復💧↓

↓【限時搶⚡】味道研究所拿坡里薄餅味Shake Shake粉🍕↓

↓ 想幾時食到薄餅味,拎起一Shake,即時食到!↓

↓ 想幾時食到薄餅味,拎起一Shake,即時食到!↓