港人買樓意欲4年最高 逾半傾向買二手樓

2022.02.21

新冠肺炎肆虐2年,好多人都面對轉行、減薪甚至失業嘅財政危機,但原來好多人都覺得呢個先係買樓入市嘅好時機!香港置業上個月以問卷形式進行「置業意向調查」,有逾半受訪者表示考慮喺未來12個月入市,比例創4年新高!

香港置業於1月底進行嘅首季「置業意向調查」,成功收回433份有效問卷,調查結果顯示,有超過一半嘅受訪者考慮於未來12個月內置業,比例創下16季(即4年)新高,當中有36.5%嘅受訪者,表示主要用途是上車,反映市民置業需求不減。

根據呢個調查,有超過一半受訪者話考慮於未來一年內置業。

10年以下二手樓最吃香
至於想買新樓定二手樓呢?原來佔咗52.4%被訪者都傾向買二手物業,呢個比例按年升咗4.2%。而有43%受訪者就表示,希望購買樓齡10年或以下嘅樓,呢個數字係自2018年以來,首次超越4成。至於選擇樓齡10年以上至15年嘅被訪者就佔27.5%,按年下跌16.3個百分點;選擇樓齡15年至20年嘅就佔16.2%;選擇樓齡20年以上嘅有13.4%。

另外,調查亦發現有29.8%嘅受訪者,想購買二手物業係因為價錢吸引;有28.1%受訪者則表示二手物業實用率比較高;有15.4%嘅受訪者認為二手樓吸引處,係可以進行實地視察;有11%受訪者表示管理費較便宜。

佔咗52.4%被訪者都傾向買二手物業,而大部分都表示目標係樓齡10年以內的二手樓。

揀二手樓人士嘅原因,包括面積比較實用,以及可以上到單位實地視察。

四成受訪者預測樓價跌
至於對樓價走勢嘅睇法,根據是次調查,42.3%受訪者睇淡未來12個月樓價走勢,當中預期樓價下跌5%以內嘅佔最多數,佔19.6%;另外有29.3%受訪者認為樓價走勢平穩,其餘28.4%的受訪者睇好樓價上升。

香港置業表示,2022年至今樓價已回落約1.5%,預料首季將累跌5%,但預期當稍後疫情穩定後,全年樓價將整體回升3%至5%。

雖然約4 成受訪者估計樓價會跌,但地產公司卻預測待疫情穩定後,全年樓價整體會升約3至5%。

text/Joyce
photo/HKET圖片庫

========

同場加映

【蝸居睇樓團】觀塘自置公屋工業風+現代感 : 紅磚特色牆、輕奢風浴廁



用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

pollyl8911
pollyl8911 不論大細,有間屬於自己屋仔真系好重要,我哋都上咗車,搞到無錢裝修,好彩遇到盈家傢俬,做生意老實,傢俬呎價抵,手工又正,香港真系幾難揾到第間咁 https://www.yingka.hk/
21/02/2022 16:59

相關文章